ЯРМАРКА-ФУРӮШИ МАҲСУЛОТ ДАР ГУЛИСТОН

Тибқи ҷадвали тасдиқгардидаи мақомоти иҷроияи ҳокимияти давлатии вилояти Суғд бо мақсади бештар таъмин намудани аҳолӣ бо маҳсулоти кишоварзӣ ва пешгирии болоравии нархҳо дар бозорҳои истеъмолӣ рӯзи 27-уми апрели соли 2019 дар шаҳри Гулистон ярмаркаи фурӯши маҳсулоти кишоварзӣ баргузор гардид.

Дар асоси нақшаи тасдиқшуда дар чорабинии мазкур намояндагони хоҷагии деҳқонии шаҳри Панҷакент (2,7 тонна картошка, 0,8 тонна сабзӣ ва 0,5 тонна пиёз), ноҳияи Ҷаббор Расулов (0,5 тонна сабзӣ, 2,0 тонна пиёз, 0,3 тонна сабзавот), идораи корхонаи фаръии хӯроквории вилояти Суғд (0,5 тонна маҳсулоти қаннодӣ, 0,1 тонна шарбати мева) ва соҳибкорони шаҳри Гулистон (1,1 тонна картошка, 0,8 тонна сабзӣ, 1,3 тонна пиёз, 0,2 тонна гӯшти гов, 0,1 тонна ҳасиб, 0,3 тонна сабзавоти гуногун, 0,3 тонна биринҷ, 0,7 тонна мева ва 1000 дона тухм) дар маҷмӯъ зиёда аз 12,3 тонна маҳсулоти кишоварзӣ ва марвиди ниёзро бо нархҳои нисбатан ба марказҳои савдо арзон пешниҳод намуданд.

ШАҲРАМОНРО ОБОДУ ХУРРАМТАР МЕНАМОЕМ

Таҳти ин шиор рӯзи шанбе намояндагони ҷомеаҳои меҳнатии корхонаву муассисаҳо, ташкилоту идораҳо, кормандони соҳаҳои тандурустӣ, маориф, фарҳанг дар маркази шаҳр ба шанбегӣ баромаданд.

Гулистониён тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар боби ободу зебо гардонидани маҳалли зист, хиёбонҳо, гулгашту майдонҳо, кӯчаҳо ва маҳалли зист корҳои мушаххас роҳандозӣ менамоянд.

Тибқи нақшаи чорабинии 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон маъракаи ниҳолшинонӣ, кабудизоркунӣ ва хуррамгардонӣ дар шаҳри соҳили “Баҳри тоҷик” рӯз то рӯз тақвият меёбад.