Вохӯрии судманд доир ба шарҳу тавзеҳи Қонуни Ҷумҳурии Тоҷикистон "Дар бораи тарбияи ватандӯстии шаҳрвандон"

Санаи 26.07.2023 тибқи нақшаи кории тасдиқгардидаи мақомоти иҷроияи ҳокимияти давлатии шаҳр ва нақшаи кории филиали Иттифоқи ҷавонони Тоҷикистон дар шаҳр ҷиҳати шарҳу тавзеҳи Қонуни Ҷумҳурии Тоҷикистон "Дар бораи тарбияи ватандӯстии шаҳрвандон"  филиали КВД БА Ҷумҳурии Тоҷикистон "Амонатбонк" дар шаҳри Гулистон бо аҳли кормандон  баргузор карда шуд.

Дар вохӯрии мазкур Фаридуншоҳ Абдуллоев мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр, Аҳлиддин Абдураҳмонов мудири бахши кор бо ҷавонон ва варзиши шаҳр ва Ҷалолзода Беҳрӯз раиси филиали КВД БА ҶТ "Амонатбонк" дар шаҳри Гулистон иштирок ва суханронӣ намуданд.

Зикр карда шуд, ки Қонуни Ҷумҳурии Тоҷикистон "Дар бораи тарбияи ватандӯстии шаҳрвандон" 24.12.2022, №1920 қабул гардида, аз 5 боб ва 21 модда иборат мебошад.

ИФТИТОҲИ ГУЛГАШТИ ЗАМОНАВӢ ДАР ШАҲРИ ГУЛИСТОН

Имрӯз, 26.07.2023 дар доираи корҳои ободониву созандагӣ ба муносибати Ҷашни 35-солагии Истиқлоли давлатии Ҷумҳурии Тоҷикистон дар кӯчаи Абдураҳмони Ҷомии шаҳри Гулистон гулгашти замонавӣ ба истифода дода шуд.

Дар маросими ифтитоҳи гулгашти замонавӣ муовини якуми Раиси вилояти Суғд Хол Ҳайдар ва Раиси шаҳри Гулистон Раъно Ҳошимзода иштирок намуда бо буридани лентаи рамзӣ ба фаъолияти гулгашт ифтитоҳ бахшиданд.

Иттилоъ дода шуд, ки гулгашти замонавӣ барои фароҳам овардани фароғату истироҳати сокинон бунёд карда шуда, ҳамзамон дар дохили он майдончаи бозии кӯдакона барои бозии кӯдакон сохта шудааст.

Баргузории ҷаласаи корӣ

Санаи, 24.07.2023 таҳти раёсати муовини якуми Раиси шаҳр Даврон Муҳаммадзода ҷаласаи корӣ доир гардид.

Дар ҷаласаи корӣ масъалаи бартараф намудани қарзи музди маош дар корхонаҳои саноатӣ, Комиссияи буҷетӣ ва  зимистонгузаронӣ мавриди муҳокима қарор дода шуданд.

Ба масъулин ҷиҳати пайдо намудани роҳи ҷалби сармоягузорон барои ба кор даровардани корхонаҳои аз фаъолият бозмонда ва бо ин васила бартараф намудани қарзи музди маош супоришҳо дода шуд.

Ҳамчунин, ба масъулини Комиссияи буҷетӣ ҷиҳати таъмини Фармони Президенти Ҷумҳурии Тоҷикистон ҷиҳати аз 1 июл баланд бардоштани 20% музди маоши як қатор соҳаҳо ва стипендияву нафақа ва саривақт пардохт намудани музди меҳнат супоришҳо дода шуд.

ДАВРИ ШАҲРИИ ОЗМУНИ ҶУМҲУРИЯВИИ “ДАСТАРХОНОРОӢ” БАРГУЗОР ГАРДИД

Имрӯз, 24.07.2023 дар тарабхонаи “Манижа”-и шаҳр даври шаҳрии озмуни ҷумҳуриявии “Дастархонороӣ” баргузор карда шуд. дар озмуни мазкур ҷамоати шаҳракҳо ва дигар муассисаҳо иштирок намуданд.

Муовини Раиси шаҳри Гулистон Шарифҷони Саидраҳмон зимни суҳбат зикр намуд, ки бо мақсади амалисозии банди 32 Амри Президенти Ҷумҳурии Тоҷикистон аз 3 январи соли 2023, №АП-318 Ҷадвали баргузории фестивал, намоиш, ид, озмунҳои анъана ва ҳунарҳои мардумӣ ва ҷашну солгардҳо дар Ҷумҳурии Тоҷикистон барои соли 2023 ва иҷрои қарори Раиси шаҳр даври шаҳрии озмуни ҷумҳуриявии "Дастархонороӣ" баргузор гардида истодааст.

Ҳадафи озмуни мазкур татбиқи муваффақонаи Қонуни Ҷумҳурии Тоҷикистон "Дар бораи танзими анъана ва ҷашну маросим дар Ҷумҳурии Тоҷикистон", дар амал татбиқ намудани дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷиҳати эҳё ва рушди суннату анъана ва ҳунарҳои мардумӣ оростани дастархон буда, имконият фароҳам меорад, ки бо истифодаи сарфакории моҳирона сифати дастархонороӣ дар тӯю маъракаҳо беҳтар гардад.