Номаи табрикотии Раиси шаҳри Гулистон Раъно Ҳошимзода ба муносибати Рӯзи металлургҳо

Муҳтарам кормандони соҳаи маталлургия!

Ба муносибати Рӯзи металлургҳо кулли кормандони соҳа ва собиқадорони соҳаи металлургияро самимона муборакбод гуфта, бароятон тансиҳати, рӯзгори осуда ва дар фаъолитяи меҳнатиатон муваффақиятҳоро таманно менамоям.

Мутобиқи Қонуни Ҷумҳурии Тоҷикистон “Дар бораи рӯзҳои ид” ҳар сол якшанбеи сеюми моҳи июл ҳамчун Рӯзи металлургҳо ҷашн гирифта мешавад. Интихоби ин рӯз ҳанӯз дар таърихи 28 сентябри соли 1957 дар асоси қарори Прездиуми Совети Олии собиқ Иттиҳоди Шӯравӣ тасдиқ гардида буд. Ҳукумати Шӯроҳо бо назардошти заҳматҳои шоёни металлургҳо дар замони ҷанг ва барқарорсозии иқтисодиёти мамлакат дар давраи баъдиҷангӣ ба ҳамин хулоса омада буд.

Ин санаи таърихӣ дар тақвими давлатҳои пасошӯравӣ ба монанди Тоҷикистон, Россия, Белоруссия, Қазоқистон ва дигар ҷумҳуриҳои навташкил боқӣ монд.

Имрӯз дар Тоҷикистон Рӯзи металлургҳоро одамони касбу кори гуногун, ки ба риштаи металлургияи сиёҳ ва ранга аз ягон ҷиҳат вобастаанд ҷашн мегиранд. Ҳатто кӯҳканоне, ки ба истихроҷи маъдан машғул мебошанд ин рӯзро ҳамчун иди касбӣ бесаброна интизоранд.

НАРГИЗА БЕРДИЕВА ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ БЕҲТАРИН ХИЗМАТЧИЁНИ ДАВЛАТӢ АЗ ҲИСОБИ ЗАНОН

Санаи 14 июли соли 2023 дар толори Донишкадаи политехникии Донишгоҳи техникии Ҷумҳурии Тоҷикистон дар шаҳри Хуҷанд даври вилоятии озмуни ҷумҳуриявии “Беҳтарин  хизматчии давлатӣ аз ҳисоби занон” дар байни занон- хизматчиёни давлатие, ки  дар мақомоти иҷроияи ҳокимияти давлатӣ фаъолият доранд, ҷамъбаст гардид. Дар ҷамъбасти озмуни мазкур Қурбонзода Ҳилолбӣ - раиси Кумитаи кор бо занон ва оилаи назди Ҳукумати Ҷумҳурии Тоҷикистон ва Дилноза Аҳмадзода- муовини директори Агентии хизмати давлатии назди Президенти Ҷумҳурии Тоҷикистон иштирок ва суханронӣ  намуданд.

Зимни суханрониҳо таъкид карда шуд, ки мақсад аз баргузории чунин озмунҳо, ин  баланд бардоштани  малакаи кории занону духтарон- хизматчиёни давлатӣ мебошад. Маҳз, ғамхории пайвастаи Ҳукумати мамлакат, бахусус Пешвои муаззами миллат нисбати зан –модар аст,  ки имрӯзҳо дар Ватани маҳбубамон барои занон имкониятҳои хубе фароҳам оварда шуданд.

Иҷлосияи чордаҳуми Маҷлиси вакилони халқи шаҳри Гулистон даъвати шашум доир мегардад

Ба маълумоти вакилони Маҷлиси вакилони халқи шаҳри Гулистон расонида мешавад, ки тибқи қарори дахлдор, санаи 21 июли соли 2023 соати 9:00 дар толори хурди мақомоти иҷроияи ҳокимияти давлатии шаҳр, иҷлосияи чордаҳуми Маҷлиси вакилони халқи шаҳр, даъвати шашум баргузор мегардад.

1. Дар баррасии иҷлосияи чордаҳуми Маҷлиси вакилони халқи шаҳр, даъвати шашум масъалаҳои зерин пешниҳод карда мешаванд.

- дар бораи амалӣ намудани “Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2020-2025” дар шаҳри Гулистон.

- ҳисоботи Комиссияи доимии Маҷлиси  вакилони халқи шаҳр оид ба масъалањои қонуният ва тартиботи ҳуқуқӣ.

- ҳисоботи вакили Маҷлиси вакилони халқи шаҳр аз ҳавзаи интихоботии “Лоиқ Шералӣ” №34,  Набиева Муҳаррам Сироҷиддиновна, оид ба ваколатҳои  вакилӣ.

- дар таҳрири нав тасдиқ намудани Дастури Маҷлиси вакилони халқи шаҳр

Вохӯрии корвони “Модарони ваҳдатсаро” бо сарбозони қисми низомии 07746-и Маркази таълимии гарнизони Суғд

Санаи 12.07.2023 тибқи нақшаи чорабиниҳои Кумитаи кор бо занон ва оилаи назди Ҳукумати Ҷумҳурии Тоҷикистон корвони корвони “Модарони ваҳдатсаро” бо сарбозони қисми низомии 07746-и Маркази таълимии гарнизони  Суғд   вохӯрӣ доир намуданд.

Муовини Раиси шаҳри Гулистон Ғайрат Оқилзода вохӯриро оғоз намуда, доир ба дастгириҳои Ҳукумати кишвар ҷиҳати мунтазам беҳтар гардонидани шарту шароити хизмати ҳарбӣ ёдовар гардид.

Сипас, як қатор аъзои корвони “Модарони ваҳдатсаро” дар назди сарбозон суханронӣ намуда, ба онҳо дар адои хизмати Модар-Ватан муваффақиятҳо таманно намуданд.