ЭҲЁИ МИЛЛАТ – БАҚОИ ДАВЛАТ

Муқаддима

Зуҳури инсон дар табиат падидаи фавқулода ва истисноист.  Зеро он ягона мавҷудоти соҳибшуур мебошад, ки чунин афзалиятро тавассути забон ва амали мувофиқ ба муҳтавои майнаи хеш, мақсаднок, бо дарназардошти оқибати кирдори содиркардааш ва дарки фаҳми натиҷаи он ба намоиш мегузорад.

Таъйиноти мантиқӣ ва моҳиятии фарди бохирад, таҳаввул ва такомули муҳиту ашё ба манфиати таъмини амният, офият, рушд ва пешрафти ҷомеа аст. Чунин талабот дар раҳи рост ва ба тарзи одӣ ба вуҷуд наомадааст. Он натиҷаи мураккабтарин ҷараёнҳои диалектикиест, ки ҳамчун маҳсули ҳазорсолаҳо дар шакли имрӯза муаррифӣ мегарданд.

Таърихи инсоният, дар маҷмуъ, таърихи сулҳ нест.  Таърихи ҷангу мубориза ва низоъҳо аст, ки ҳамчун шакли сиёсат ҳамсафари ҳаёти одамон мебошад.

Роҳи беморхонаи шаҳраки Адрасмон мумфарш карда шуд

Дар доираи корҳои ободонию созандагӣ ба истиқболи ҷашни 35-солагии Истиқлоли давлатии Ҷумҳурии Тоҷикистон имрӯзҳо дар шаҳр корҳои ободонию созандагӣ бо маром ҷараён дорад. Дар шаҳраки Адрасмон низ дар ин самт як қатор корҳо ба анҷом расонида шуда истодааст.

Бо дастгирии соҳибкорони маҳаллӣ ва шахсони саховатпеша роҳи бемохонаи шаҳрак пурра мумфарш карда шуд. Лозим ба зикр аст, ки дар шаҳрак бо дастгирии мақомоти иҷроияи ҳокимияти давлатии шаҳо сохтмони шуъбаи кӯдаконаи беморхонаи шаҳрак ҷараён дорад.

ҒОЛИБОНИ ДАВРИ ВИЛОЯТИИ ОЗМУНИ ҶУМҲУРИЯВИИ “ФУРӮҒИ СУБҲИ ДОНОӢ КИТОБ АСТ” МУАЙЯН ГАРДИДАНД

Имрӯз 21.08.2023 дар мактаби президентии шаҳри Бӯстон ҷамъбастии даври вилоятии озмуни ҷумҳуриявии “Фурӯғи субҳи доноӣ китоб аст” баргузор карда шуд.

Лозим ба зикр аст, ки дар даври вилоятии озмуни ҷумҳуриявии “Фурӯғи субҳи донӣ китоб аст”, ки аз санаи 14.08.2023 то санаи 20.08.2023 дар мактаби президении шаҳри Бӯстон ҷараён гирифт довталабони шаҳри Гулистон фаъолона иштирок намуда, сазовори 1 ҷойи якум, 1 ҷойи дуюм, 2 ҷойи сеюм ва 4 ҷойи ифтихорӣ гардиданд. Аз ҷумла: Маҳваш Бойматова хонандаи синфи 6-и гимназияи №1 ба номи академик Бобоҷон Ғафуров дар номинатсияи хондан ва аз ёд кардани осори адибони классикии тоҷик, миёни гурӯҳи хонандагони синфҳои 5-11 сазовори мақоми аввал гардид. Дар номинатсияи мазкур миёни омӯзгорон ва намояндагони касбу кори гуногун Лоиқ Кенҷаев муовини директори МД “Маркази таҳсилоти иловагӣ”-и шаҳр сазовори мақоми 3-юм гардид. Дар номинатсияи эҷоди наср миёни гурӯҳи донишҷӯён, магистрантон ва докторантон Фаридуншоҳ Абдуллоев докторанти МДТ “Донишгоҳи давлатии Хуҷанд ба номи академик Бобоҷон Ғафуров”, ҳамзамон мудири шуъбаи рушди иҷтимоӣ ва робита бо ҷомеаи дастгоҳи Раиси шаҳри Гулистон сазовори ҷойи 2-юм ва дар номинатсияи зикргардида миёни гурӯҳи омӯзгорон ва намояндагони касбу кори гуногун Дилрабо Фарҳодзода омӯзгори муассисаи таҳсилоти миёнаи умумии №2-и шаҳраки Чоруқдаррони шаҳр сазовори мақоми 3-юм гардид.

ТАҶЛИЛИ БОШУКӮҲӢ ВОРИСОНИ АРЗАНДАИ СИНО

Имрӯз, 18.08.2023 бахшида ба таҷлили Рӯзи кормандони соҳаи тиб чорабинии тантанавӣ баргузор карда шуд.

Чорабинии тантанавӣ бо садо додани Суруди миллӣ оғоз ёфт. Нахуст намояндаи мақомоти иҷроияи ҳокимияти давлатии вилоят, сардори шуъбаи хизматрасонии тиббӣ ба модару кӯдак ва танзими оилаи Раёсати тандурустии вилоят Акмалхӯҷаева Индира номаи табрикотии Раиси вилояти Суғд Раҷаббой Аҳмадзодаро ба самъи ҳозирин расонид.

Сипас, Раиси шаҳри Гулистон Раъно Ҳошимзода собиқадорону кормандони соҳаи тибро бо иди касбияшон муборак бод намуд. Зимни суханронӣ зикр гардид, ки Соҳаи тандурустӣ яке аз самтҳои аввалиндараҷаи сиёсати иҷтимоии давлати Тоҷикистон ба шумор рафта, дар давоми беш се даҳсолаи охир бомаром рушд карда, то ба имрӯз ба пешравиҳои назаррас ноил гардидааст.

Хукумати мамлакат дар ин давра ба пешрафти соҳаи тандурустӣ ва ҳифзи иҷтимоии аҳолӣ таваҷҷуҳи хосса зоҳир намуда, барои ҳалли мушкилоти ин соҳаи ҳаётан муҳим тадбирҳои зиёдеро амалӣ гардонид.

Ҳукумати Ҷумҳурии Тоҷикистон зери роҳбариву раҳнамоии Асосгузори сулҳу ваҳдати миллӣ – Пешвои муаззами миллат муҳтарам Эмомалӣ Раҳмон сиёсати худро дар  самти рушди соҳаи тандурустӣ таҳтишиори «Солимии миллат боигарии давлат» ба роҳ монда, сол аз сол ба афзун намудани раванди маблағгузории соҳа, қабул ва мавриди амал қарор додани стратегияву барномаҳои миллӣ, беҳтар намудани дастрасӣ, сифат ва самаранокии хизматрасонии тиббӣ ба аҳолӣ, инчунин рушди шаклҳои нави кӯмаки аввалияи тиббию санитарӣ таваҷҷуҳи махсус зоҳир намуда истодааст.