Баргузории конфренсияи илмӣ-амалӣ бахшида ба Рӯзи Модар таҳти унвони “Модар – бақои ҳаёт”

Санаи 04.03.2022 дар толори Кохи фарҳангии “Истиқлол”-и маркази шаҳри Гулистон тибқи нақшаи кории бахши кор бо ҷавонон ва варзиши шаҳр конфренсияи илмӣ-амалӣ бахшида ба Рӯзи Модар таҳти унвони “Модар – бақои ҳаёт” бо иштироки ҷавондухтарони Коллеҷи тиббии шаҳр, муассисаҳои таълимии маркази шаҳр, ҷавондухтарони фаъоли ҷамоати шаҳракҳо, гирандагони стипендияи Президенти Ҷумҳурии Тоҷикистон, гирандагони стипендияи раиси шаҳр ва бонувони фаъоли ҳамаи соҳаҳои хоҷагии халқи шаҳр баргузор гардид.

Дар даромадгоҳи Кохи фарҳангии “Истиқлол” дастовардҳои варзишии варзишгарони шаҳр дар соли 2021, маҳсули дастранҷи ҷавондухтарон ва намоиши китобӣ ба маъраз гузошта шуд.

ҚАДРШИНОСИИ МОДАРОНИ СОҲИБТАҶРИБА

Имрӯз, 5 марти соли 2022 иҷрокунандаи вазифаи раиси шаҳри Гулистон Раъно Ҳошимзода ва муовини Раиси вилояти Суғд Зоҳидзода Даврони Абдуқодир бахшида ба Рӯзи Модар як қатор модарони собиқадори шаҳри Гулистонро қадршиносӣ намуданд.

Аз ҷумла собиқадорони меҳнат, ходимони намоёни давлатию ҷамъиятӣ Исоева Гавҳар Ҳакимовна – собиқадори соҳаи тандурустӣ, Пӯлотова Саодат Нарзуллоевна - собиқадори соҳаи саноат, Беляева Рима Георгиевна - собиқадори соҳаи фарҳанг, Тахтаева Дилбар Кулиевна, Раҳмонова Ӯктамой Чинозовна, Ҷӯраева Малика Ҷӯраевна - собиқадорони соҳаи хизмати давлатӣ ба аёдат фаро гирифта шуданд.

ВАТАНИ АЗИЗИ МОРО БА ҒАЙР АЗ ХУДИ МО КАСИ ДИГАР ОБОД НАМЕКУНАД

Бо иштироки иҷрокунандаи вазифаи раиси шаҳри Гулистон Раъно Ҳошимзода дар кӯчаи марказии Истиқлоли шаҳр маъракаи дарахтнишониву кабудизоркунӣ доир гардид. Роҳбари шаҳр аснои иштирок дар ин маросим ҷавонону наврасонро ба тозакориву сарсабзгардонии шаҳр даъват намуда, изҳор доштанд, ки ба таъбири ҳикматбори Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон "Ватани азизи моро ба ғайр аз худи мо каси дигар обод намекунад".

Аз ин рӯ моро зарур аст, ки пайваста баҳри ободу зебо гардонидани ҳар як гӯшаи шаҳри азизамон саҳми арзанда гузошта бошем.

Ёдовар мешавем, ки имрӯзҳо дар шаҳри Гулистон ба истиқболи сазовори ҷашни ҷаҳонии Наврӯз корҳои ободониву бунёдкорӣ бомаром ҷараён дорад.

Паёми табрикии и.в. Раиси шаҳри Гулистон Раъно Ҳошимзода ба ифтихори Рӯзи Модар

Модарону хоҳарони арҷманд,

Бонувони иззатманд,

Ҳамшаҳриёни азиз,

Бо таманниёти беназир ва орзуҳои бепоён фарорасии Рӯзи Модарро, ки ҳамасола дар оғози фасли зебои сол, баҳори нозанин бошукуҳу шаҳомати хоса таҷлил мегардад таҳният гуфта, бароятон сиҳатмандии комил, саодатмандӣ, рӯзгори хушу хуррам ва муваффақиятҳои пайвастаро таманно дорам.

Боиси ифтихору хушнудист, ки дар замони соҳибистиқлолии кишвари маҳбуб бо ибтикори наҷиби Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ва муҳаббати беандозаашон нисбат ба зан-Модар ҳамасола дар саросари кишвар 8-уми март ба сифати Рӯзи Модар бо шукуҳу шаҳомати хоса таҷлил мегардад.