ПАЁМИ ПЕШВОИ МИЛЛАТ - ИФОДАГАРИ ОРМОНҲОИ МИЛЛАТ

9-уми январи соли ҷорӣ дар толори хурди мақомоти иҷроияи ҳокимияти давлатии шаҳри Гулистон тибқи барқияи Мақомоти иҷроияи ҳокимияти давлатии вилояти Суғд аз 06 январи соли 2024, №06-6/13тф дар бо иштироки ҳайати таблиғотии вилоятӣ бо ҷалби сокинони шаҳр Рӯзи ягонаи ахбор дар мавзуи “Паёми Пешвои миллат – ҳидоятномаи халқ ба сӯйи фардои дурахшон” доир гардид.

Дар мулоқот муовини раиси шаҳри Гулистон Шарифҷони Саидраҳмон ва аъзои гурӯҳи тарғиботӣ-ташвиқотии назди Мақомоти иҷроияи ҳокимияти давлатии вилояти Суғд Шарифҷон Аминзода, сармуҳаррири рӯзномаи “Ҳақиқати Суғд” ва Абдуазизи Бобоев, устоди МДТ “Донишгоҳи давлатии Хуҷанд ба номи академик Бобоҷон Ғафуров” иштирок намуданд.

Шиносоӣ бо ҷараёни фаъолияти муассисаҳои соҳаи тандурустӣ дар маркази шаҳр

Имрӯз, 09.01.2025 иҷрокунандаи вазифаи Раиси шаҳри Гулистон Илҳом Пӯлотзода бо мақсади шиносоӣ бо вазъи фаъолияти муассисаҳои соҳаи тандурустӣ аз маркази ташхисию табобатии ба номи Закариёи Розӣ ва маркази саломатии шаҳр дидан намуд.

Нахуст аз бинои Маркази ташхисию табобатии ба номи Закариёи Розӣ дидан карда шуд. Аз ҷониби масъулини соҳа иттилоъ дода шуд, ки марказ аз як ошёна ва 13 ҳуҷраи корӣ иборат буда, дар соли 2014 сохта, ба истифода дода шудааст. Дар ин марказ з нафар табиб, 4 нафар ҳамшираи тиб, 1 нафар корманди хурди тиб ва 2 нафар кормандони дигар фаъолият мебаранд.

Сипас, аз Маркази саломатии шаҳр дидан карда шуд. Иттилоъ дода шуд, ки маркази саломатии шаҳр дорои бинои 3 ошёна ва иборат аз 116 ҳуҷра мебошад. Бино соли 1989 сохта ба истифода дода шудааст. Дар маркази саломатии шаҳр 19 нафар табиб, 35 нафар ҳамшираи тиб, 9 нафар корманди хурди тиб ва 15 нафар кормандони дигар фаъолият мебаранд.

ИДОМАМ МАЪРАКАИ НИҲОЛШИНОНӢ ДАР ШАҲР

Имрӯз, 09.01.2025 бо мақсади сазовор истиқбол намудани ҷашни 35-солагии Истиқлоли давлатии Ҷумҳурии Тоҷикистон, иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати сарсабзу хуррам намудани шаҳр дар ҳудуди шаҳр дарахтони ороишии ҳамешасабз аз қабили санавбари сӯзанбарг ва сафедор бо иштироки иҷрокунандаи вазифаи Раиси шаҳр Илҳом Пӯлотзода шинонида шуд.

И.в Раиси шаҳр Илҳом Пӯлотзода ба масъулин таъкид намуд, ки бояд аз фазои мусоид истифода намуда, барои зебову хуррам намудани шаҳр ҳар чи бештар ниҳолҳои ороишии ҳамешасабз шинонем.

БОЗДИДИ И.В РАИСИ ШАҲР ИЛҲОМ ПӮЛОТЗОДА АЗ ИНШООТИ СОҲАИ ВАРЗИШ ДАР МАРКАЗИ ШАҲР

Имрӯз, 08.01.2025 и.в Раиси шаҳри Гулистон Илҳом Пӯлотзода аз варзишгоҳи марказии шаҳр, муассисаи давлатии мактаби варзишӣ ва  кохи варзишии "Истиқлол" дидан намуд.

Зимни боздид масъулини соҳа иттилоъ доданд, ки дар ҳудуди шаҳр дар маҷмуъ 136 иншооти варзишӣ фаъолият дошта, аз ин теъдод 56 майдончаи варзишӣ, 6 ҳавзи шиноварӣ, 6 варзишгоҳ, 26 толори варзишӣ ва 34 майдончаи бозии кӯдакона мебошад. Аз ҷумла, иншооти варзишӣ дар маркази шаҳр - 5 варзишгоҳ, 14 толори варзишӣ, 17 майдончаи варзишӣ, 6 ҳавзи шиноварӣ; дар шаҳраки Сирдарё - 1 варзишгоҳ, 1 толори варзишӣ ва 1 майдончаи варзишӣ; дар шаҳраки Консой – 1 варзишгоҳ, 1 толори варзишӣ ва 5 майдончаи варзишӣ; дар шаҳраки Чоруқдаррон – 1 варзишгоҳ, 1 толори варзишӣ ва 2 майдончаи варзишӣ; дар шаҳраки Адрасмон – 1 варзишгоҳ, 6 толори варзишӣ ва 10 майдончаи варзишӣ; дар шаҳраки Зарнисор – 2 толори варзишї ва 7 майдончаи варзишї ва дар шаҳраки Навгарзан – 1 толори варзишӣ ва 2 майдончаи варзишӣ амал мекунанд.