КОНФЕРЕНСИЯ ТАҲТИ УНВОНИ "ҲИЗБИ ХАЛҚИИ ДЕМОКРАТИИ ТОҶИКИСТОН – ҲИЗБИ ЗОДАИ ДАВРОНИ ИСТИҚЛОЛ" БА МУНОСИБАТИ ҶАШНИ 30-СОЛАГИИ РӮЗИ ТАЪСИСЁБИИ ҲИЗБИ ХАЛҚИИ ДЕМОКРАТИИ ТОҶИКИСТОН

Кумитаи иҷроияи Ҳизби Халқии Демократии Тоҷикистон дар шаҳри Гулистон ба муносибати ҷашни 30- солагии Рӯзи таъсисёбии Ҳизби Халқии Демократии Тоҷикистон дар толори бахши ҳифзи муҳити зисти шаҳр дар доираи ҳафтаи Ҳизби Халқии Демократии Тоҷикистон конференсия таҳти унвони “Ҳизби Халқии Демократии Тоҷикистон - ҳизби зодаи даврони истиқлол” бо иштироки раисони ташкилоти ибтидоии ҲХДТ, фаъолон ва собиқадорони ҳизб, вакилони Маҷлиси вакилони халқи шаҳр баргузор намуд.

Конференсия бо садо додани Суруди миллии Ҷумҳурии Тоҷикистон оғоз гардид. Раиси Кумитаи иҷроияи Ҳизби Халқии Демократии Тоҷикистон дар шаҳри Гулистон Ҷамолиён Муслимахон Ғайбуллозода зимни суханронӣ зикр намуд, ки Ҳизби Халқии Демократии Тоҷикистон аз ҷавонтарин ҳизбҳои сиёсии кишварамон буда, метавон онро зодаи истиқлол номид. Ҳизби Халқии Демократии Тоҷикистон дар даврони сарнавиштсоз ба фаъолият шурӯъ намуда, аз рӯзҳои аввали таъсисёбӣ барои устувориву пойдории сулҳ ва ободии Ватан кӯшиш ба харҷ дод. Ҳадафи асосиаш низ ваҳдату ягонагӣ, таъмини ояндаи неки кишвар аст. Имрӯз аъзои Ҳизби Халқии Демократии Тоҷикистонро ғояи умумӣ ва вазифаҳои бузурге, ки ҳалли онҳо танҳо ба манфиати ҷомеа аст, мутаҳҳид менамояд.

ВОЛОНТЁРӢ - ШАРАФ ВА МАКТАБИ ХУДШИНОСИВУ ХУДОГОҲИИ МИЛЛӢ АСТ!

Санаи 04.12.2024, дар толори МДТИ-и шаҳри Гулистон ба муносибати Рӯзӣ байналмиллалии волонтёрон дар мавзӯи “Волонтёрӣ шараф ва мактаби худшиносиву худогоҳии миллӣ аст”, ҳамоишӣ идона баргузор гардид, ки дар он мудири бахши кор бо ҷавонон ва варзиши шаҳри Гулистон Аҳлиддин Абдураҳмонов, муовини директори МДТИ-и шаҳри Гулистон Кенҷаев Лоиқ ва муовини директор оид ба корҳои тарбиявии коллеҷи тиббии шаҳри Гулистон Раҳмонов Умедҷон иштирок ва суханронӣ  намуданд.

Чорабиниро мудири бахши кор бо ҷавонон ва варзиши шаҳри Гулистон Аҳлиддин Абдураҳмонов оғоз намуда, доир ба фаъолияти  волонтёрӣ, ки мактаби бузурги худташаккулдиҳӣ, худшиносиву худогоҳии миллӣ ва фаъолияти волонтёрӣ дар Ҷумҳурии Тоҷикистон маҳсуб меёбад, суханронӣ намуд.

Инчунин қайд намуд, ки мактаби волонтёрӣ ба дарахте шабоҳат дорад, ки меваҳояш ҷавонони фаъолу донишманд, накукору хайрхоҳ ва пешбарандаву ояндаи Ватани азиз мебошанд. Дар ҳақиқат сафи волонтёронро беҳтарин ҷавонони фаъолу ташаббускор фаро гирифтааст, ки бо ҳисси баланди масъулиятшиносӣ, дӯстиву рафоқат ва самимияту меҳрубонӣ нисбати якдигар, рӯз аз рӯз дар ободию шукуфоии кишварамон саҳми назаррас мегузоранд.

Диққат! Озмун!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон менамояд

Воҳидҳои сохтории мақомоти иҷроияи ҳокимияти давлатии шаҳр:

1. Мудири бахши дин танзими анъана ва ҷашну маросими мақомоти мақомоти иҷроияи ҳокимияти давлатии шаҳр 1- ҷой маоши мансабӣ - 2100,45 сомонӣ; (хусусияти дуҷониба)

2. Мудири бахши меъморӣ ва шаҳрсозии мақомоти мақомоти иҷроияи ҳокимияти давлатии шаҳр 1- ҷой маоши мансабӣ - 2100,45 сомонӣ; (хусусияти дуҷониба)

3. Мутахассиси пешбари бахши дин танзими анъана ва ҷашну маросими мақомоти мақомоти иҷроияи ҳокимияти давлатии шаҳр 1- ҷой маоши мансабӣ - 1554,40 сомонӣ;

4. Мутахассиси пешбари бахши кор бо занон ва оилаи мақомоти иҷроияи ҳокимияти давлатии шаҳр 1- ҷой маоши мансабӣ - 1554,40 сомонӣ;

ҶАМЪБАСТИ МУСОБИҚАИ ФУТБОЛ БАЙНИ ДЕҲА ВА МАҲАЛЛАҲОИ ШАҲРУ НОҲИЯҲОИ ВИЛОЯТИ СУҒД

Санаи 3 декабри соли 2024 дар варзишгоҳи "Спартак"- и шаҳри Хуҷанд даври ниҳоии мусобиқаи варзишӣ оид ба футбол байни деҳаҳо ва маҳаллаҳои аҳолинишини шаҳру ноҳияҳои вилояти Суғд , ки зери лоиҳаи "Барномаи махсуси  Президенти Федератсияи футболи Тоҷикистон дар бораи рушди футбол дар деҳоти Ҷумҳурии Тоҷикистон барои солҳои 2021-2024" равона гардидааст  доир гардид.

Бояд ёдовар шуд, ки дар мусобиқаи мазкур 8 даста аз шаҳру ноҳияҳои вилоят роҳхат ёфта бо ҳам сабқат намуданд ва беҳтаринҳо ба давраи ниҳоии мусобиқа роҳ ёфтанд.

Дар даври ниҳоии мусобиқаи мазкур дастаҳои "Гулшан"- и ноҳияи Ашт ва "Адрасмон"-и шаҳри Гулистон байни ҳам сабқат намуда, дастаи "Гулшан"- и ноҳияи Ашт бо ҳисоби 4:2 пирӯз омада ғолиби мусобиқа гардиданд, футболбозони "Шаршара"-и шаҳри Хуҷанд мақоми сеюмро аз худ намуданд.