Хониши сиёсӣ: "Конститутсия - бахтномаи миллат"

Имрӯз, 17.10.2024 дар  Муассисаи ғайридавлатии Коллеҷи тиббии шаҳр тибқи барқияи МИҲД-и вилояти Суғд ва нақшаи чорабиниҳои МИҲД-и шаҳр Рӯзи ягонаи ахбори сиёсӣ  бо иштироки донишҷӯён баргузор карда шуд.

Дар чорабинии мазкур Аҳлиддин Абдураҳмонов мудири бахши кор бо ҷавонон ва варзиши шаҳр, Фаридуншоҳ Абдуллоев мутахассиси татбиқи забон дар мақомоти иҷроияи ҳокимияти давлатии шаҳр ва  Раҳмонов Умедҷон муовини директори муассисаи мазкур иштирок ва суханронӣ намуданд.

Таъкид карда шуд, ки қабули Конститутсияи Ҷумҳурии Тоҷикистон яке аз дастовардҳои бузурги даврони Истиқлолият буда, ҳамчун санади муқаддас ва тақдирсоз роҳи рушди давлати соҳибистиқлоли тоҷикон ва мардуми онро барои садсолаҳо муайян кардааст.

Таваҷҷуҳ ба баланд бардоштани тарбияи ватандӯстӣ, эҳсоси масъулияти шаҳрвандӣ, маърифати ҳуқуқӣ, худшиносиву худогоҳии миллӣ ва зиракии сиёсии шаҳрвандон–василаи пешрафт ва пешгирии ҳамагуна омилҳои номатлуб дар ҷомеа!

Тибқи нақшаи муштараки Мақомоти иҷроияи ҳокимияти давлатии шаҳри Гулистон, шуъбаи дар шаҳри Гулистон будаи раёсати КДАМ Ҷумҳурии Тоҷикистон дар вилояти Суғд ва бахши кор бо ҷавонон ва варзиши шаҳр оид ба баргузории мулоқоту суҳбатҳо дар партави эълон гардидани соли 2024 “Соли маърифати ҳуқуқӣ”, солгарди Истиқлолияти давлатии Ҷумҳурии Тоҷикисто ҷиҳати баланд бардоштани маърифати ҳуқуқии шаҳрвандон, паст намудани сатҳи хурофотпарастӣ дар ҷомеа, татбиқи қонунҳои Ҷумҳурии Тоҷикистон «Дар бораи танзими  ҷашну маросим дар Ҷумҳурии Тоҷикистон», «Дар бораи масъулият дар таълиму тарбияи кӯдак», «Дар бораи тарбияи ватандӯстии шаҳрвандон» ва «Дар бораи пешгирии зӯроварӣ дар оила», «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025», «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030», риояи тартиботи ҷамъиятӣ, ҷалби ҷавонон ба хизмати ҳарбӣ ва тозаву озода нигоҳ доштани маҳаллаҳо санаи 16 октябри соли 2024 дар толори гимназияи №1 маркази  шаҳри Гулистон бо ҷалби волидайн мулоқот доир гардид.

Дар мулоқоти мазкур муовини Раиси шаҳри Гулистон Шарифҷони Саидраҳмон, мудири бахши кор бо ҷавонон ва варзиши шаҳри Гулистон Аҳлиддин Абдураҳмонов, корманди шуъбаи дар шаҳри Гулистон будаи раёсати КДАМ Ҷумҳурии Тоҷикистон дар вилояти Суғд Сафаров Раҷабалӣ ва мудири бахши занон ва оила Сатторова Матлуба  иштирок ва суханронӣ намуданд.

Вохӯрӣ бо донишҷӯдухтарони коллеҷи тиббии шаҳр

Санаи 14.10.2024 тибқи нақшаи кории мақомти иҷроияи ҳокимяити давлатии шаҳр дар толори хобгоҳи донишҷӯёни коллеҷи тиббии шаҳр ҷиҳати иҷрои талаботи Қонуни Ҷумҳурии Тоҷикистон “дар бораи танзими ҷашну маросим дар Ҷумҳурии Тоҷикистон”, Қонуни Ҷумҳурии Тоҷикистон “Дар бораи масъулият барои таълиму тарбияи фарзанд”, пешгирии таълимоти ғайрирасмии динӣ, пешгирии ҷинояткорӣ ва шомил шудан ба ҳар гуна ҳизбу ҳаракатҳо вохӯрӣ баргузор гардид.

Дар вохӯрии мазкур мудири бахши окр бо занон ва оилаи мақомоти иҷроия Матлуба Сатторова, мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Рустамҷон Боқиев ва и.в. мудири бахши танзим Мирҷумъа Бобозода иштирок ва суханронӣ намуданд.

Зикр карда шуд, ки мардуми тоҷик аз замонҳои қадим то ба имрӯз соҳиби расму оин ва маросимҳои гуногун буданд, ки аксари онҳо дорои хусусияти ахлоқию маънавӣ ҳастанд. Боиси таассуф аст, ки мардум ба қадри ин расму оинҳо нарасида, дар тӯли асрҳо ба онҳо тағйироти зиёде ворид кардаанд, ки дар натиҷа асолат ва моҳияти маънавии онҳо аз байн рафта, ба маросимҳои мушкилу маъракаҳои исрофкорӣ ва худнамоӣ табдил ёфтаанд.

МУМФАРШНАМОИИ РОҲҲОИ ДОХИЛИ МАҲАЛ

Дар кӯчаи Дӯстии халқҳои маркази шаҳри Гулистон дар доираи нақшаи корҳои ободонию созандагӣ ба истиқболи Ҷашни 35-солагии Истиқлоли давлатии Ҷумҳурии Тоҷикистон  1880 метри мураббаъ роҳҳои маҳаллӣ бо дастгирии мақомоти иҷроияи ҳокимияти давлатии шаҳр мумфарш карда шуд.

Раиси шаҳри Гулистон Раъно Ҳошимзода зимни оғоз бахшидан ба корҳои мумфаршнамоӣ зикр намуд, ки дар шаҳри Гулистон дар соли 2024  таъмири  53,4 километр роҳҳои автомобилгарди шаҳр ва ҷамоати шаҳракҳо ба нақша гирифта шудааст. Аз ҷумла 7,5 км таъмири асосӣ, 21,4 километр таъмири ҷорӣ ва 25,5 километр шағалпўш мебошад. Барои иҷрои корҳо аз манбаъҳои гуногун  9,0 миллион сомонӣ маблағ ба нақша гирифта шудааст.

Дар давоми нуҳ моҳи соли 2024, 81,7 километри роҳҳо таъмиру тармим гардиданд, ки 152,0 фоизи иҷрои нақша мебошад. Аз ҷумла: 19 километр таъмири асосӣ, 29,7 километр таъмири ҷорӣ ва 32,9 километр  шағалпӯш карда шуда, маблағи сарфшуда 18,5 миллион сомониро ташкил дод.