ОФТОБО, БОРИ ДИГАР ХОНАРО ПУРНУР КУН!

Имрӯз, 30.09.2024 ба ифтихори Рӯзи Мавлоно Ҷалолиддини Балхӣ дар толори бахши фарҳанги маркази шаҳр тибқи нақшаи кории мақомоти иҷроия ва китобхонани системаи марказонидашудаи маркази шаҳр маҳфили илмӣ-адабӣ таҳти унвони “Офтобо, бори дигар хонаро пурнур кун!” баргузор карда шуд.

Дар маҳфили илмӣ-адабӣ Аҳлиддин Абдураҳмонов мудири бахши кор бо ҷавонон ва варзиш, Рустамҷон Боқиев мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр, Фаридуншоҳ Абдуллоев мутахассиси татбиқи забон дар мақомоти иҷроияи ҳокмияти давлатии шаҳр ва директори китобхонаи системаи марказонидашудаи шаҳр Бибиомина Мирзоева иштирок ва суханронӣ намуданд.

МАВЛОНО - ТАРБИЯТГАРИ ИНСОНИ КОМИЛ!

Имрӯз, 30.09.2024 ба ифтихори 817-солагии Мавлоно Ҷалолиддини Балхӣ дар толори муассисаи таҳсилоти миёнаи умумии 1-и маркази шаҳр маҳфили илмӣ адабӣ баргузор карда шуд.

Дар маҳфили илмӣ-адабӣ намояндагони мақомоти иҷроияи ҳокимияти давлатии шаҳр Аҳлиддин Абдураҳмонов мудири бахши кор бо ҷавонон ва варзиш, Рустамҷон Боқиев мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр, Фаридуншоҳ Абдуллоев мутахассиси татбиқи забон дар мақомоти иҷроияи ҳокмияти давлатии шаҳр ва директори муассиса Муҳаббат Ҳакимова иштирок ва суханронӣ намуданд.

Таъкид гардид, ки бо шарофати Истиқлолияти давлатии Тоҷикистон ва тавассути сиёсати дурбинона ва хирадмандонаи Асосгузории сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бисёр чеҳраҳои оламшумули адабиёту фарҳанги мо аз нав зинда ва хотираи онҳо абадӣ гардонида шуданд.

Табрикоти Раиси шаҳри Гулистон Раъно Ҳошимзода ба муносибати Рӯзи Мавлоно Ҷалолуддини Балхӣ

Ҳамшаҳриёни гиромӣ!

Бо шарофати Истиқлолияти давлатии Тоҷикистон ва тавассути сиёсати дурбинона ва хирадмандонаи Асосгузории сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бисёр чеҳраҳои оламшумули адабиёту фарҳанги мо аз нав зинда ва хотираи онҳо абадӣ гардонида шуданд.

Бо пешниҳоди Пешвои муаззами миллат ва тасдиқи созмони фарҳангии ЮНЕСКО соли 2007 дар Тоҷикистон ва дар тамоми дунё 800-солагии Мавлоно Ҷалолуддини Балхӣ ботантана таҷлил карда шуда, адолати таърихӣ нисбати ин ҳакими бузурги давру замонҳо барқарор карда шуд.

МУЖДА: АБДУҚОДИРОВА ЗАРНИГОР ДАР ОЗМУНИ ҶУМҲУРИЯВИИ «ХОНАНДАИ БЕҲТАРИНИ АСАРҲОИ ПЕШВОИ МИЛЛАТ» САЗОВОРИ МАҚОМИ ИФТИХОРӢ ГАРДИД

Аз 24 сентябр дар Муассисаи давлатии «Китобхонаи миллии Тоҷикистон» даври дуюми Озмуни ҷумҳуриявии «Хонандаи беҳтарини асарҳои Пешвои миллат» оғоз гардид ва то 28 сентябр идома ёфт.

Дар даври ниҳоии озмуни мазкур донишҷӯӣ бахши сеюми Муассисаи ғайридавлатии коллеҷи тибии шаҳри Гулистон Абдуқодирова Зарнигор фаъолона иштирок намуда, сазовори ҷойи ифтихорӣ гардида, бо Ифтихорномаи Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон ва сипосномаи Кумитаи кор бо ҷавонон ва варзиши назди ҳукумати Ҷумҳурии Тоҷикистон қадрдонӣ гардид.

Ёдовар мешавем, ки бо мақсуди арҷгузорӣ ба таърихи пурифтихори миллати тоҷик, омӯзиши амиқу ҳамаҷонибаи корнамоиҳои наҷиб ва фаъолияти шоистаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи наҷоти давлат, таҳкими ваҳдати миллӣ, эъмори модели нави давлати демократӣ, ҳуқуқбунёд, дунявӣ ва ягонаи Тоҷикистон дар шароити нави таърихӣ ва ба ин васила дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, ифтихори миллӣ, тақвияти қобилияти кордониву роҳбарӣ, омӯзиши ҳамаҷонибаи Мактаби давлатдории Пешвои миллат дар байни насли ҷавони аҳолии ҷумҳурӣ, бахусус донишҷӯёни муассисаҳои таҳсилоти миёна ва олии касбӣ дар мамлакат Озмуни ҷумҳуриявии «Хонандаи беҳтарини асарҳои Пешвои миллат» доир мегардад.