Шиносоӣ бо рафти корҳои созандагиву бунёдкорӣ дар Ҷамоати шаҳраки Адрасмон

Санаи 24.10.2024 Раиси шаҳри Гулистон Раъно Ҳошимзода ҷиҳати шиносоӣ бо рафти корҳои созандагиву бунёдкорӣ ба Ҷамоати шаҳраки Адрасмон  ташриф овард. Дар Ҷамоати шаҳраки Адрасмон бахшида ба 35-солагии Истиқлоли давлатии Ҷумҳурии Тоҷикистон 31 адад иншооти ҷашнӣ ба нақша гирифта шуда, то ҳол 25 адади он мавриди баҳрабардорӣ қарор дода шудааст. Иншооти мазкур бо дастгирии мақомоти иҷроияи ҳокимияти давлатии шаҳр ва соҳибкорону саховатмандони шаҳраки Адрасмон бунёд ва таъмиру азнавсозӣ гардидаанд.

Раиси шаҳр Раъно Ҳошимзода зимни сафар ба шаҳрак аз рафти корҳои соҳилмустаҳкамкунӣ ба дарозии 1800 метр, кашидани хати нави интиқоли неруи барқ, хати оби нӯшокӣ ва ҳамчунин оғози корҳои сохтмонии майдончаи варзишӣ ва сохтмони толори варзишӣ дар маркази шаҳраки Адрасмон,  толори варзишӣ дар деҳаи Зарчашма ва майдончаи варзишии замонавӣ дар деҳаи Гулдараи шаҳраки Адрасмон шинос гардид. Иттилоъ дода шуд, ки корҳои сохтмонӣ дар иншооти мазкур оғоз гардида, масъулин ният доранд, ки дар муҳлати муқарраргардида иншоотро сохта мавриди баҳрабардорӣ қарор диҳанд. Раиси шаҳр ба масъулин ҷиҳати бо тарҳи замонавӣ бунёд намудани майдончаҳо ва толорҳои варзишӣ  дастур дод. Бунёди толор ва майдончаҳои варзишӣ аз ҷониби соҳибкорони маҳаллӣ амалӣ гардида истодааст.

ШАҲРИ ГУЛИСТОН НАҚШАИ ДАЪВАТИ ТИРАМОҲИРО ИҶРО НАМУД

Мақомоти иҷроияи ҳокимияти давлатии шаҳри Гулистон ҷиҳати иҷрои Фармони Президенти Ҷумҳурии Тоҷикистон аз 27 августи соли 2024, №856  “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997-2006 Ҷумҳурии Тоҷикистон ба хизмати ҳарбӣ”, қарори Раиси вилояти Суғд ва қарори Раиси шаҳр корбарӣ намуд. Тавре ки қаблан иттилоъ дода шуда буд дар рӯзи нахустини даъвати тирамоҳӣ ҷамоати шаҳракҳои Адрасмон, Сирдарё ва Навгарзан нақшаи даъватро пурра иҷро намуда буданд.

Мақомоти иҷроияи ҳокимияти давлатии шаҳр корбариро дар ин самт идома дода нақшаи даъватро пеш аз муҳлат иҷро намуд.

Дар даъвати тирамоҳӣ бо дастгирии мақомоти иҷроияи ҳокимияти давлатии шаҳр 30 нафар даъватшаванда курсҳои ронандагиро дар Ташкилоти ҷамъиятии мададгори мудофиа ба итмом расонида соҳиби шаҳодатномаи ронандагӣ гардиданд.

ДАВРИ ШАҲРИИ ОЗМУНИ “ХУШДОМАНИ БЕҲТАРИН” ВА “ФАРЗАНД-БОҒИ ПАДАРУ МОДАР” БАРГУЗОР ГАРДИД

Бо мақсади иҷроии Нақшаи амали Барномаи давлатии рушди оила дар Ҷумҳурии Тоҷикистон барои солҳои 2024-2028, ки бо қарори Ҳукумати Ҷумҳурии Тоҷикистон аз 1-уми марти соли 2024, №136 тасдиқ гардидааст санаи 22.10.2024 дар қаҳвахонаи “Марям” дар шаҳр даври шаҳрии озмуни ҷумҳуриявии “Хушдомани беҳтарин” ва “Фарзанд-боғи падару модар” баргузор карда шуд.

Муовини Раиси шаҳр Шарифҷони Саидраҳмон зимни ифтитоҳи чорабинӣ зикр намуд, ки озмуни мазкур бо мақсади таҳкими ниҳоди оила ва тақвияти масъулиятнокии падару модар ва фарзандон дар муносибати оилавӣ, густариши фарҳанги оиладорӣ, муносибати хушдоман бо келин,  нақши оила дар тарбияи фарзандон дар рӯҳияи ватандӯстию меҳнатпарастӣ, коҳиш додани раванди таъсиррасониҳои омилҳои доғи рӯз б амуносибатҳои оиладорӣ, коҳиш додани шумораи бекоршавии ақди никоҳ ва бесарпаноҳ мондани фарзандон, солим, пойдор ва устувор нигоҳ доштани оилаҳо, баланд бардоштани масъулияти падару модар дар таълиму тарбияи кӯдак ва омода намудани ҷавонон ба ҳаёти мустақилона ва ҳидояти онҳо ба нигоҳубин ва парастории волидайн роҳандозӣ гардидааст.

Хониши сиёсӣ: "Конститутсия - бахтномаи миллат"

Имрӯз, 17.10.2024 дар  Муассисаи ғайридавлатии Коллеҷи тиббии шаҳр тибқи барқияи МИҲД-и вилояти Суғд ва нақшаи чорабиниҳои МИҲД-и шаҳр Рӯзи ягонаи ахбори сиёсӣ  бо иштироки донишҷӯён баргузор карда шуд.

Дар чорабинии мазкур Аҳлиддин Абдураҳмонов мудири бахши кор бо ҷавонон ва варзиши шаҳр, Фаридуншоҳ Абдуллоев мутахассиси татбиқи забон дар мақомоти иҷроияи ҳокимияти давлатии шаҳр ва  Раҳмонов Умедҷон муовини директори муассисаи мазкур иштирок ва суханронӣ намуданд.

Таъкид карда шуд, ки қабули Конститутсияи Ҷумҳурии Тоҷикистон яке аз дастовардҳои бузурги даврони Истиқлолият буда, ҳамчун санади муқаддас ва тақдирсоз роҳи рушди давлати соҳибистиқлоли тоҷикон ва мардуми онро барои садсолаҳо муайян кардааст.