Маросими супоридани мукофотҳои давлатӣ ва Ифтихорномаҳо ба муносибати 33-солагии Истиқлоли давлатӣ

Дар толори хурди Кохи фарҳангии “Истиқлол”-и маркази шаҳр маросими супоридани мукофотҳои давлатӣ, Ифтихорномаи мақомоти иҷроияи ҳокимияти давлатии вилоят ва шаҳр ба фаъолони соҳаҳои гуногуни хоҷагии халқи шаҳр бахшида ба 33-юмин солгарди Рӯзи Истиқлоли давлатии Ҷумҳурии Тоҷикистон баргузор гардид.

Дар маросими мазкур намояндаи Ҳукумати Ҷумҳурии Тоҷикистон, роҳбари гурӯҳи корӣ, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода, муовини Раиси вилоят Даврон Зоҳидзода ва Раиси шаҳри Гулистон Раъно Ҳошимзода иштирок намуданд.

Директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода иштирокдоронро аз номи Ҳукумати Ҷумҳурии Тоҷикистон ба муносибати солгарди Истиқлоли давлатӣ ва ноил гардидан ба мукофоти давлатӣ муборакбод намуд.

Оғози мусобиқаи варзишии футбол байни ҷавонони муассисаҳои таълимӣ, бахшида ба 33-юмин солгарди Истиқлолияти давлатии Ҷумҳурии Тоҷикистон дар шаҳраки Адрасмон

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир  ба омавигардонии варзиш ва тарзи ҳаёти солим тадбирҳои муассир андешида шудаистодааст.

Дар ҳамин замина нақшаи чорабиниҳои бахши кор бо ҷавонон ва варзиш бо тасдиқи Раиси шаҳр ба тавсиб расидааст. Лозим ба ёдоварист, ки масъулини бахши кор бо ҷавонон ва варзиши  шаҳр дар ҳамкорӣ бо шуъбаи маориф, муассисаҳои таълимӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намуда истодаанд. Бо ҳамин мақсад санаи 04.09.2024, дар майдони  варзишии Ҷамоати шаҳраки Адрасмон  мусобиқаи мазкур оғоз гардид. Масъулини бахши кор бо ҷавонон ва варзиши шаҳр азм доранд, ки дар давоми соли равон, дар байни ҷавонону наврасон ва сокинони шаҳр мусобиқаҳои гуногунмазмунро ба роҳмонда, тарзи ҳаёти солим ва рӯҳияи солимро дар байни сокинони касбу кори гуногун рушд медиҳанд.

ҶАМЪБАСТИ МУСОБИҚАИ КУШОДИ ШАҲРӢ ОИД БА НАМУДИ ГУШТИНИ ТАРЗИ ОЗОД, ДАР ШАҲРАКИ КОНСОЙ, БАХШИДА БА 33-ЮМИН СОЛГАРДИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир  ба омавигардонии варзиш ва тарзи ҳаёти солим тадбирҳои муассир мунтазам андешида шудаистодааст.

Дар ҳамин замина нақшаи чорабиниҳои бахши кор бо ҷавонон ва варзиш, бо тасдиқи Раиси шаҳр ба тавсиб расидааст. Лозим ба ёдоварист, ки масъулин Бахши кор бо ҷавонон ва варзиш ва мураббиён дар ҳамкорӣ бо дигар шаҳру ноҳияҳо, шуъбаи маориф, муассисаҳои таълимӣ, қисмҳои ҳарбӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намудаистодаанд. Бо ҳамин мақсад, санаи 29.08.2024, дар толори варзишии Ҷамоати шаҳраки Консойи шаҳри Гулистон, бахшида ба 33-юмин солгарди Истиқлолияти давлатии Ҷумҳурии Тоҷикистон мусобиқаи кушоди шаҳрии гуштини тарзи озод аз руйи 13 вазн баргузор гардид. Қобили қайд аст, ки дар мусобиқаи мазкур зиёда аз 100 нафар наврасону ҷавонони шаҳри  Гулистон, шаҳри Хуҷанд, шаҳри Исфара, шаҳри Истиқлол ва ноҳияи Ашт фаъолона иштирок намуда байни ҳам рақобат ва қувваозмоӣ намуда ғолибон бо диплом ва медалҳои Бахши кор бо ҷавонон ва варзиши шаҳри Гулистон қадрдони гардиданд.

ҶАМЪБАСТИ МУСОБИҚАИ НАМУДИ ВАРЗИШИИ ЗЕҲНИИ "ШАШКА ВА ШОҲМОТБОЗИ БЕҲТАРИН", БАЙНИ НАВРАСОНУ ҶАВОНОН ВА СОКИНОНИ КАСБУ КОРИ ГУНОГУН, ДАР ШАҲРАКИ ЧОРУҚДАРРОН

Бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҷиҳати баланд бардоштани тафаккур ва қобилияти зеҳнии ҷавонону наврасон, дар шаҳри Гулистон тадбирҳои зарурӣ ва муассир андешида шудааст.

Дар ҳамин замина нақшаи чорабиниҳои Бахши кор бо ҷавонон ва варзиши шаҳр бо фаргири тамоми муассисаҳои таълимии маркази шаҳр ва ҷамоати шаҳракҳои тобеияти шаҳр, таҳия ва тасдиқ гардида, мавриди корбари қарор гирифтааст. Бо ҳамин мақсад, санаи 03.09.2024, дар Ҷамоати шаҳраки Чоруқдаррон байни наврасону ҷавонон ва сокинони синну соли гуногун  мусобиқа, аз рӯйи намуди варзишӣ зеҳнии "Шашка ва шоҳмотбозӣ беҳтарин",  бахшида ба 33-солагии Истиқлолияти давлатии Ҷумҳурии Тоҷикистон ташкил ва баргузор карда шуд. Ҳамчунин, дар назар аст, ки чунин мусобиқаҳо дар миқёси шаҳр бо ҷалб ва фарогирии ҳарчи бештари наврасону ҷавонон ва сокикони шаҳр баргузор карда шаванд. Ҳадаф аз баргузории чунин мусобиқаҳо пеш аз ҳама ин баланд бардоштани тафаккур ва қобилияти зеҳнии ҷавонону наврасон, дарёфти чеҳраҳои нави варзиш, дар соҳаи шашка ва шоҳмот, таъсис додани дастаҳои шаҳр барои иштирок дар мусобиқаҳои сатҳи вилоятиву ҷумҳуриявӣ ва пешгирии шомилшавии ҷавонону наврасон ба ҳаргуна ҳизбу ҳаракатҳои мамнуъи тундрав маҳсуб ёфта, дар ин баробар омода намудани ҷавонону наврасон барои иштирок, дар давраҳои минбаъдаи  мусобиқаи ҷумҳуриявӣ барои дарёфти Ҷоми Пешвои миллат мебошад.