Пешвои миллат Эмомалӣ Раҳмон агрегати №1-и НБО «Норак» ба номи Турсун Улҷабоевро ба истифода дода, бо корҳои таҷдиду навсозии иншоот шинос шуданд

24 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Норак агрегати №1-и НБО «Норак» ба номи Турсун Улҷабоевро баъд аз таҷдиду навсозӣ ба истифода дода, бо ҷараёни татбиқи Лоиҳаи таҷдид ва барқарорсозии ин иншооти азими гидроэнергетикӣ шинос шуданд.

Лоиҳаи таҷдид ва барқарорсозии НБО “Норак” аз моҳи марти соли 2019 оғоз гардидааст.

Лоиҳаи мазкур ду марҳиларо дар бар мегирад. Дар марҳилаи аввал се агрегат ва дар марҳилаи дуюм 6 агрегат бо таҷҳизоти асосӣ ва ëрирасон таҷдид карда мешаванд. Дар ин замина таҷҳизоти эҳтиëҷоти хусусии неругоҳ, се ҳалқаи барқии маҷмӯи зеризаминӣ, дарбандҳои куравӣ, пойгоҳҳо, низоми идора ва назорати неругоҳ пурра таҷдид шуда, 27 крани борбардор ва лифтҳо иваз карда мешаванд. Таъмири дарбандҳои бефи поëн ва обрасонҳои турбинавӣ низ дар марҳилаи аввал ба нақша гирифта шудааст. Агрегати №1-и неругоҳ пурра таҷдид шуда, давоми се моҳи охир дар озмоиши истифода қарор дошт.

ҒОЛИБИЯТИ ГУЛИСТОНИЁН ДАР ДАВРИ ВИЛОЯТИИ ОЗМУНИ "ТИРАМОҲИ ЗАРРИН"

Рӯзи 22 октябри соли 2022 дар Муассисаи таълимӣ барои хонандагони болаёқат дар шаҳри Хуҷанд дар асоси фармоиши Сардори Раёсати маорифи вилояти Суғд аз 30.08.2022, таҳти рақами 241 бо корбарии Маркази таҳсилоти иловагии вилояти Суғд бо мақсади омӯзиши табиати диёр, бунёдкорӣ ва сохтани ҷаҳони маънавии хонандагон, бахшида ба Иди "Меҳргон" озмуни вилоятии "Тирамоҳи заррин" пуршукӯҳ доир гардид.

Дар даври вилоятии озмун беш аз 200 нафар ғолибони даври шаҳриву ноҳиявӣ аз 17 шаҳру ноҳияҳои вилоят фаъолона иштирок намуданд.

Довталабони гулистонӣ дар озмуни мазкур фаъолона иштирок намуда, дар натиҷаи ҷамъбасти озмун сазовори мақоми дуюм гардиданд.

ПАЁМИ ШОДБОШИИ Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ифтихори Рӯзи иттифоқҳои касаба

24.10.2022

Муҳтарам роҳбарон ва фаъолони иттифоқҳои касаба!

Ҳамаи роҳбарону кормандон ва аъзои иттифоқҳои касабаи Тоҷикистонро, ки дар татбиқи назорати ҷамъиятии ҳуқуқу кафолатҳои иҷтимоӣ ва меҳнатии заҳматкашон саҳмгузоранд, ба ифтихори Рӯзи иттифоқҳои касаба табрик мегӯям.

Дар шароити муосир раванди муосири танзими муносибатҳои меҳнативу иҷтимоӣ яке аз воситаҳои таъмин намудани суботи иҷтимоии кишвар мебошад, ки ҳамкории муштараку мувофиқашудаи давлат, корфармоён ва мақомоти намояндагии кормандон, яъне иттифоқҳои касабаро ифода мекунад.

Вохӯрии роҳбарияти олии сиёсии мамлакат бо намояндагони иттифоқҳои касаба, ки 24-уми октябри соли 2019 бори аввал дар даврони соҳибистиқлолӣ, дар айёми вусъати раванди созандагиву бунёдкорӣ ва рушди босуботи Ватани азизамон баргузор гардид, нишонаи возеҳи таваҷҷуҳ ва қадршиносии Ҳукумати мамлакат ба фаъолияти Иттифоқҳои касаба мебошад.

Президенти Ҷумҳурии Тоҷикистон Эмомалӣ Раҳмон ба Раиси Ҷумҳурии Мардумии Чин, Котиби генералии Кумитаи марказии Ҳизби коммунистии Чин Си Ҷинпин барқияи табрикӣ ирсол намуданд

Дирӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Раиси Ҷумҳурии Мардумии Чин, Котиби генералии Кумитаи марказии Ҳизби коммунистии Чин муҳтарам Си Ҷинпин барқияи табрикӣ ирсол намуданд, ки дар он омадааст:

«Муҳтарам ҷаноби Си Ҷинпин

Самимонатарин табрикоти ин ҷонибро ба муносибати аз нав интихоб гардиданатон ба маснади Котиби генералии Кумитаи марказии Ҳизби коммунистии Чин бипазиред.

Дубора интихоб гардидани Шумо ба ин маснади сермасъули ҳизбӣ обрӯву эътибори баланди Шумо ва аз ҷониби ҷомеаи Чин қатъиян дастгирӣ ёфтани шоҳроҳе, ки таҳти роҳбарии хирадмандонаатон ба рушди ҳамаҷонибаи иҷтимоиву иқтисодӣ ва сиёсии Ҷумҳурии Мардумии Чин дар минбаъда, инчунин ба таҳкими пайвастаи мақому манзалати он дар арсаи байналмилалӣ нигаронда шудааст, таъкид менамояд.