Имрӯз маҷлиси Ҳукумати Ҷумҳурии Тоҷикистон баргузор гардид

29 сентябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор шуд.

Дар маҷлиси Ҳукумати мамлакат нахуст «Оид ба рафти иҷрои Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» ва Қонуни Ҷумҳурии Тоҷикистон «Дар бораи мақомоти худидоракунии шаҳрак ва деҳот» ҳисоботи раиси ноҳияи Шаҳритуси вилояти Хатлон Ғаффор Ҷабборӣ шунида шуд.

Таъкид гардид, ки ноҳияи Шаҳритус субвенсионӣ буда, ҳар сол зиёда аз 20 миллион сомонӣ маблағҳо аз ҳисоби буҷети ҷумҳуриявӣ ба буҷети маҳаллӣ ворид мегардад. Дар 6 моҳи аввали соли 2022 нақшаи буҷет бо дарназардошти андози иҷтимоӣ ва буҷети маҳаллӣ 28 миллиону 669 ҳазору 500 сомонӣ иҷро шуд, ки 103, 6 фоизи нақшаи андозро ташкил менамояд.

ДАР ҲОСИЛҒУНДОРИИ “ТИЛЛОИ САФЕД” САҲМ МЕГУЗОРЕМ

Дар шаҳру навоҳии кишвар мавсими нави ҷамъоварии ҳосили пахта оғоз гардидааст. Деҳқонон дар ин сол меҳнати самаранок намудаанд ва самараи дастранҷи онҳо ҷамъоварӣ карда мешавад.

Имрӯз 25.09.2022 барои ёрӣ расонидан ба дастранҷи меҳнати кишоварзон кормандони Мақомоти иҷроияи ҳокимияти давлатии шаҳри Гулистон якҷо бо кормандони корхонаву ташкилотҳо, муассисаҳо ва ҷамоати шаҳракҳо бо роҳбарии бевоситаи Раиси шаҳр Раъно Ҳошимзода ба хоҷагии деҳқонии “Абдураҳим Ҷумаев”-и ноҳияи Бобоҷон Ғафуров рафта ба кишоварзон дар ҷамъоварии ҳосил кумак намуданд.

Дар ҷамъоварии ҳосили “тиллои сафед” беш аз 350 нафар чинакчиён аз шаҳри саноатии Гулистон иштирок намуданд.

Худшиносии миллӣ шарти зарурии ҳастии миллат

Санаи 23-юми сентябри соли 2022 дар асоси нақшаи баргузории силсилаи мулоқоту вохўриҳо дар самти амалисозии татбиқи сиёсати давлатии ҷавонон ва хониши сиёсӣ дар мавзуъҳои Худшиносии миллӣ шарти зарурии ҳастии миллат,  пешгирии шомилшавии ҷавонон ба ҳизбу ҳаракатҳои тундрав, ҷалби ҷавонон ба хизмати ҳарбӣ, пешгирии таълимоти ғайриқонунии динӣ, баланд бардоштани маданияти шаҳрдории ҷавонону наврасон ва манфиатҳои миллӣ, дар толори "Мактаби санъат" бо донишҷӯёни муассисаи  ғайридавлатии коллеҷи тиббии  шаҳри Гулистон вохӯрӣ баргузор карда шуд.

Дар вохӯрии мазкур Иззатов Л.Б. сардори шуъбаи дар шаҳри Гулистон будаи Кумитаи давлатии амнияти миллии Ҷумҳурии Тоҷикистон дар вилояти Суғд,  Абдураҳмонов А.А. мудири бахши кор бо ҷавонон ва варзиши шаҳр,  Абдуллоев Ф.А. сармутахассиси шуъбаи рушди иҷтимоӣ ва робита бо ҷрмеаи дастгоҳи Раиси шаҳр ва Назришозода Л., сармуҳарирӣ рӯзномаи шаҳрии "Соҳил" иштирок ва суханронӣ намуданд.

Ҳифзи Ватан ва арзишҳои миллӣ қарзи шаҳрвандии ҳар як ҷавони бо нангу номус аст!

Санаи 23-юми сентябри соли 2022 дар асоси нақшаи баргузории силсилаи мулоқоту вохўриҳо дар самти амалисозии татбиқи сиёсати давлатии ҷавонон ва хониши сиёсӣ доир ба мавзуъҳои ҳифзи Ватан қарзи шаҳрвандии  мост, пешгирии шомилшавии ҷавонон ба ҳизбу ҳаракатҳои тундрав, ҷалби ҷавонон ба хизмати ҳарбӣ, пешгирии таълимоти ғайриқонунии динӣ, баланд бардоштани маданияти шаҳрдории ҷавонону наврасон ва  ҳифзи манфиатҳои миллӣ, дар толори бахши фарҳанг бо ҷавонони синни 16-18 солаи муассисаи таълимии  №14-и маркази шаҳри Гулистон вохӯрӣ баргузор карда шуд.

Дар вохӯрии мазкур Аҳлиддин Абдураҳмонов мудири бахши кор бо ҷавонон ва варзиши шаҳр,  Абдуллоев Фаридуншоҳ сармутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр, Каримова Мадина мутахассиси пешбари бахши занон ва оила, Сатторова Матлуба сармутахассиси ҳифзи ҳуқуқи кӯдак, Тоҷиддинов Аҳлиддин иҷрокунандаи мудири бахши дин, танзими анъана ва ҷашну маросим ва Содиқзода Рухшона намояндаи шуъбаи корҳои дохилии шаҳр иштирок ва суханронӣ намуданд.