БОЗДИД АЗ БУНЁДИ ИНШООТИ ҶАШНӢ ДАР ШАҲРАКИ АДРАСМОН

Санаи 17.07.2024 дар шаҳраки Адрасмон зимни сафари корӣ Раиси шаҳр Раъно Ҳошимзода аз ҷараёни корҳои бунёдсозии майдончаи варзишӣ барои машғулияти навъи варзиши футболи хурд ба ифтихори Ҷашни 35-солагии Истиқлоли давлатии Ҷумҳурии Тоҷикистон  шинос шуд.

Варзишгоҳи мазкур дар шаҳрак бо ибтикори соҳибкори маҳаллӣ Санат Баротов бунёд гардида истодааст. Иттилоъ дода шуд, ки корҳои бунёдсозӣ дар марҳилаи анҷомёбӣ қарор дорад. Майдончаи варзишӣ бо таҷҳизоти замонавӣ сохта шуда, барои ба варзиш машғл шудани сокинон заминаи мусоид фароҳам меорад.

Раиси шаҳр Раъно Ҳошимзода ба масъулин ҷиҳати бо сифати баланд ба итмом расонидани корҳои бунёдсозӣ таъкид намуд.

ВОХӮРИИ РАИСИ ШАҲРИ ГУЛИСТОН РАЪНО ҲОШИМЗОДА БО СОКИНОНИ ШАҲРАКИ АДРАСМОН

Санаи 17.07.2024 дар толори қасри фарҳанги ҷамотаи шаҳраки Адрасмони шаҳр вохӯрии Раиси  шаҳри Гулистон Раъно Ҳошимзода бо сокинони шаҳрак баргузор гардид.

Дар вохӯрӣ Раиси шаҳр доир ба фаъолияти соҳаҳои хоҷагии халқи шаҳр ва шаҳрак дар шашмоҳаи соли ҷорӣ, иҷрои нақшаи иншооти ҷашнӣ ба муносибати 35-солагии Истиқлоли давлатӣ, тақвияти корҳои ободониву созандагӣ, пешгирии падидаҳои номатлуб, риояи Қонунҳо ва дигар масъалаҳо бо сокинон суҳбат намуд.

Зикр карда шуд, ки мақомоти иҷроияи ҳокимияти давлатии шаҳр ба истиқболи арзандаи ҷашни 35-солагии Истиқлоли давлатии Ҷумҳурии Тоҷикистон нақшаи чорабиниҳоро бо тағйиру иловаҳо дар 175 банд тасдиқ  намуда, ҷиҳати иҷрои он корбарӣ намуд истодааст.  Аз ин теъдод дар маркази шаҳр нақша 100  адад, иҷро 85 адад, ҷамоати шаҳраки Адрасмон нақша 27 адад,  иҷро 22 адад, шаҳраки Консой нақша 12 адад, иҷро 10 адад, шаҳраки Чоруқдарон нақша 9 адад, иҷро 8 адад, шаҳраки Зарнисор нақша 10 адад, иҷро 7 адад, шаҳраки Сирдарё нақша 17 адад, иҷро 10 ададро ташкил медиҳад.

БАРГУЗОРИИ ХОНИШИ СИЁСӢ, ВОХӮРӢ БО СОКИНОНИ ДЕҲАЮ МАҲАЛЛАҲО ДОИР БА ПЕШГИРИИ ОМИЛҲОИ НОМАТЛУБ ВА РИОЯВУ АМАЛӢ НАМУДАНИ ҚОНУНУ СТРАТЕГИЯҲОИ АМАЛКУНАНДА ДАР ҶОМЕА

Санаи 10 июли соли равон дар асоси дастуру супоришҳои Асосгузори сулҳу ваҳдати миллӣ,  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва нақша чорабиниҳои Ҳукумати Ҷумҳурии Тоҷикистон,  Нақша чорабиниҳои Мақомоти иҷроияи ҳокимияти давлатии вилояти Суғд  ва  тибқи нақшаи тасдиқгардидаи Мақомоти иҷроияи ҳокимияти давлатии шаҳри Гулистон ва ФИҶТ дар шаҳри Гулистон оид ба баргузории мулоқоту суҳбатҳо дар партави эълон гардидани соли 2024 “Соли маърифати ҳуқуқӣ”, ҷиҳати баланд бардоштани маърифати ҳуқуқии шаҳрвандон, паст намудани сатҳи хурофотпарастӣ дар ҷомеа, татбиқи қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», «Дар бораи масъулияти падару модар дар тарбияи кӯдак», «Дар бораи тарбияи ватандӯстии шаҳрвандон» ва «Дар бораи пешгирии зӯроварӣ дар оила», «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025», «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» ва пешгирии ҳолатҳои фавқулода ва ғарқшавии шаҳрвандон санаи 10 июли соли 2024 дар маҳаллаи "Баҳористон"-и  шаҳри Гулистон бо ҷалби сокинон мулоқот доир гардид.

Дар мулоқот муовини Раиси шаҳри Гулистон  Шарифҷони Саидраҳмон, мудири бахши кор бо ҷавонон ва варзиши шаҳри Гулистон Аҳлиддин Абдураҳмонов, раиси КИҲХДТ дар шаҳр Ҷамолиён Муслима, мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Боқиев Рустам, мудири бахши занон ва оила Сатторова Матлуба ва сардори бахши КҲФМГ назди Ҳукумати Ҷумҳурии Тоҷикистон дар шаҳри Гулистон Алиев Шуҳрат иштирок ва суханронӣ намуданд.

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОӢ ВА ИҚТИСОДИИ ШАҲРИ ГУЛИСТОН ДАР НИМСОЛАИ ЯКУМИ СОЛИ 2024

Имрӯз, 9 июли соли 2024 дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва мувофиқи ҷадвали баргузории маҷлиси фаъолони вилоят  ва шаҳру ноҳияҳо, ки аз ҷониби Раиси вилояти Суғд  муҳтарам Раҷаббой Аҳмадзода тасдиқ гардидааст, маҷлиси фаъолони шаҳри Гулистон  оид ба ҷамъбасти натиҷаҳои рушди иҷтимоию иқтисодии шаҳри Гулистон дар шаш моҳи соли 2024 дар маҷлисгоҳи калони Мақомоти иҷроияи ҳокимияти давлатии шаҳри Гулистон  таҳти  раёсати Раиси шаҳри Гулистон Раъно Ҳошимзода ва бо иштироки роҳбари гурўҳи кории ҷумҳуриявӣ , директори Агентии таъминоти амволи махсуси назди Ҳукумати Ҷумҳурии Тоҷикистон  Савзаалӣ Назирзода ва намояндаи мақомоти иҷроияи ҳокимияти давлатии вилояти Суғд сардори Раёсати Агентии назорат дар соҳаи маориф ва илм дар вилояти Суғд Ҷаҳонгир Салимзода баргузор гардид.

Дар ҷаласа муовини якум, муовинон, роҳбари дастгоҳи Раиси шаҳр, роҳбарони мақомоти ҳифзи ҳуқуқ, мудирони шуъбаю бахшҳои мақомоти иҷроияи ҳокимияти давлатии шаҳр, Раисони Ҷамоатҳои шаҳраку деҳот ва ташкилоту муассисаҳои шаҳри Гулистон ширкат варзиданд.

Раиси шаҳри Гулистон Раъно Ҳошимзода ҷаласаро ифтитоҳ намуда,  қайд кард, ки Мақомоти иҷроияи ҳокимияти давлатии шаҳри Гулистон баҳри иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки аз Паём ба Маҷлиси Олии Ҷумҳурии Тоҷикистон ва сафарҳои корӣ ба шаҳру ноҳияҳои вилояти Суғд бармеоянд, силсилаи тадбирҳоро амалӣ намуд.  Дар натиҷа аксарияти нишондиҳандаҳои иқтисодию иҷтимоии ноҳия нисбат ба ҳамин давраи соли гузашта мусбат арзёбӣ гардида, рушди устувори иқтисодию  иҷтимоии  шаҳри Гулистон таъмин шудааст.