БАРГУЗОРИИ СИТОДИ ЗИМИСТОНГУЗАРОНӢ

Таҳти раёсати муовини якуми Раиси шаҳр Даврон Муҳаммадзода дар мақомоти иҷроияи ҳокимияти давлатии шаҳр Ситоди зимистонгузаронӣ баргузор карда шуд.

Дар кори Ситод аъзо ва дигар шахсони масъул иштирок намуданд.

Зикр карда шуд, ки ҷиҳати иҷрои Қарори Ҳукумати Ҷумҳурии Тоҷикистон аз 30.03.2024, №192 “Дар бораи саривақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам  ва самарабахш дар давраи тирамоҳу зимистони солҳои 2024-2025” ва қарори Раиси вилояти Суғд аз 22.04.2024, №86, қарори Раиси шаҳри Гулистон аз 30.04.2024, №131 ба имзо расида, ҳайати Ситод аз нақшаи чорабиниҳо дар 21 банд таҳия ва тасдиқ шудааст.

Доир ба ин масъала дар назди Раиси шаҳр Ситод баргузор гардида, дастуру супоришҳои дахлдор дода шуда, аз ҷониби соҳаҳои буҷетӣ доир ба ин масъала қарорҳои дахлдор тасдиқ шуда ба котиби Ситод дастрас гардидааст. Аз ҷониби мақомоти иҷроияи ҳокимияти давлатии шаҳр ба соҳҳаҳои иҷтимоӣ маблағҳои зарурӣ ҷудо карда шудааст.

ВАҲДАТ - САРЧАШМАИ СУЛҲУ СУБОТИ КИШВАР

Дар асоси нақшаи тасдиқгардидаи мақомоти иҷроияи ҳокимияти давлатии шаҳри Гулистон ва Филиали Иттифоқи ҷавонони Тоҷикистон дар шаҳри Гулистон, санаи 24.06.2024, ба ифтихорӣ таҷлили 27-умин солгарди Рӯзи Ваҳдати миллии Ҷумҳурии Тоҷикистон, дар ҷамоати шаҳраки Чоруқдаррон мизи мудаввар таҳти унвонӣ "Ваҳдат - сарчашмаи сулҳу суботи кишвар" бо собиқадорон, кормандон ва фаъолони ҷамоат, ташкил ва баргузор карда шуд.

Дар чорабинии мазкур мудири бахши кор бо ҷавонон ва варзиши шаҳр ҳамзамон, Раиси филиали Иттифоқи ҷавонони Тоҷикистон дар шаҳри Гулистон Абдураҳмонов Аҳлиддин, мудири шӯъбаи рушди иҷтимоӣ ва робита бо ҷомеаи дастгоҳи Раиси шаҳри Гулистон Боқиев Рустам, мудири бахши кор бо занон ва оила Сатторова Матлуба, раиси ҷамоати шаҳраки Чоруқдаррон Наргиза Бердиева ва як гурӯҳ собиқадорони ҷамоати мазкур иштирок ва суханронӣ намуда таъкид доштанд, ки бисту ҳафт сол муқаддам, санаи сарнавиштсози халқу миллати тоҷик - Рӯзи Ваҳдати миллӣ фаро расид. Ба имзо расидани Созишномаи умумии Истиқрори сулҳ ва ризояти миллӣ, ки 27-уми июни соли 1997-ум ба вуқӯъ пайваст, барҳақ, воқеаи таърихиву тақдирсоз на танҳо барои сокинони кишвар, балки барои кулли ҳаммиллатони бурунмарзиамон низ буд, ки Тоҷикистонро хонаи умеди худ хондаанд.

ИҶЛОСИЯИ ҲАЖДАҲУМИ МАҶЛИСИ ВАКИЛОНИ ХАЛҚИ ШАҲРИ ГУЛИСТОН, ДАЪВАТИ ШАШУМ БАРГУЗОР ГАРДИД

Имрӯз, 21 июни соли 2024 дар толори Мақомоти иҷроияи ҳокимияти давлатии шаҳри Гулистон Иҷлосияи ҳаждаҳуми Маҷлиси вакилони халқи шаҳр, даъвати шашум доир гардид.

Кори Иҷлосия бо садо додани Суруди миллии Ҷумҳурии Тоҷикистон, интихоби ҳайати котибот ва тасдиқи рӯзнома оғоз гардид.

Дар кори иҷлосия вакилони Маҷлиси вакилони халқи шаҳр, муовини якуми Раиси шаҳр, муовинони Раиси шаҳр, роҳбари дастгоҳи Раиси шаҳр, мудирони шуъбаю бахшҳо ва роҳбарони воҳидҳои сохтории мақомоти иҷроияи ҳокимияти давлатии шаҳр, роҳбарони мақомоти ҳифзи ҳуқуқ, роҳбарони ташкилотҳои шаҳрӣ, раисони ҷамоати шаҳракҳо иштирок намуданд.

ТАШРИФИ ИШТИРКЧИЁНИ ФОРУМИ ЗАНОНИ ТОҶИКИСТОНУ ЧИН БА ШАҲРИ ГУЛИСТОН

Тибқи нақшаи тасдиқгардидаи Мақомоти иҷроияи ҳокимияти давлатии вилояти Суғд дар доираи нахустин мулоқоти Форуми занони Тоҷикистону Чин бахшида ба сафари давлатии Раиси Ҷумҳурии Мардумии Чин дар мавзуи “Муколама ва ҳамкорӣ”  меҳмонони Форум санаи 20.06.2024 ба шаҳри Гулистон ташриф оварданд.

Дар Муассисаи давлатии “Боғи фарҳангӣ фароғатии Темурмалик” меҳмононро санъаткорон ва занону бонувони шаҳр гарму ҷӯшон истиқбол намуданд.

Дар маросими истиқбол Раиси шаҳри Гулистон Раъно Ҳошимзода иштирок намуда, меҳмомнонро ба шаҳри Гулистон хайрамақдам гуфта, баргузории Форуми мазкур ва дар ин доира боздид кардани меҳмонон аз як қатор мавзеъҳои шаҳру навоҳии вилоятро барои густариши ҳамкориҳо иқдоми нек арзёбӣ намуд.