БА ҶАВОНОНИ ФАЪОЛ СТИПЕНДИЯИ РАИСИ ШАҲР СУПОРИДА ШУД

Санаи 22.05.2024 дар Кохи фарҳангии “Истиқлол”-и маркази шаҳр маросими супоридани шаҳодатномаҳои гирандагони Стипендияи Раиси шаҳр дар соли хониши 2023-2024 баргузор гардид.

Раиси шаҳр Раъно Ҳошимзода ба гирандагони стипендия шаҳодатнома ва маблағҳои муқаррар гардидаро дар вазъияти тантанавӣ супорид.

Лозим ба зикр аст, ки дар доираи моҳвораи ҷавонон баҳри дастгирии хонандагону ҷавонони болаёқат ва ҳавасманд гардонидани онҳо қарори Раиси шаҳри Гулистон доир ба баргузории озмуни Стипендияи Раиси шаҳри Гулистон барои соли хониши 2022-2023 аз 04.05.2023, №96 ба тасвиб расида буд.

“ҶАВОНОН - ПАЙРАВОНИ ПЕШВОИ МИЛЛАТ”

Дар толори Кумитаи иҷроияи Ҳизби Халқии Демократии Тоҷикистон дар шаҳри Гулистон бахшида ба «Рӯзи ҷавонони Тоҷикистон» конференсия таҳти  унвони «Ҷавонон- пайравони Пешвои миллат» бо иштироки вакилон, раисони ташкилотҳои ибтидоӣ, роҳбарони корхонаҳо, фаъолони ҳизб,  собиқадорон, бонувону ҷавонон, аъзои ташкилоти ҷамъиятии ҷавонон «Созандагони Ватан» ва донишҷӯёни коллеҷи тиббии шаҳр роҳандозӣ гардид.

Бо садо додани Суруди миллӣ конференсия оғоз ёфт.

Нахуст, Раиси Кумитаи иҷроияи Ҳизби Халқии Демократии Тоҷикистон дар шаҳри Гулистон Ҷамолиён Муслимахон Ғайбуллозода мақсад ва ҳадафи баргузории конференсияро ба саҳми ҳозирин расонид.

Сипас, Шарифҷони Саидраҳмон – муовини раиси шаҳри Гулистон зимни баромади хеш  табрикоти раиси шаҳри Гулистон Раъно Ҳишмзода бахшида ба Рӯзи ҷавонони Тоҷикистонро расонида, иброз дошт, ки дар партави  ғамхорӣ ва ҳидоятҳои Асосгузори сулҳу ваҳдати миллӣ- Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ҷавонони Тоҷикистон ҳамчун нерӯи бузург, ояндасоз баҳри фардои дурахшони кишвар саҳмгузоранд.

РӮҲИ СОЛИМ ДАР ҶИСМИ СОЛИМ АСТ - Баргузории Дави миллӣ ва марафони велосипедронӣ дар шаҳри Гулистон

Бо мақсади иҷрои Фармони Президенти Ҷумҳурии Тоҷикистон аз 28 марти соли 2007, №225 "Дар бораи Рӯзи Дави миллӣ", ки  ҳамасола якшанбеи сеюми моҳи май дар тамоми қаламрави ҷумҳурӣ барои солимӣ ва оммавияти варзиш эълон гардидааст, субҳи имрӯз, 19.05.2024 дар шаҳри Гулистон маъракаи оммавии варзишии Дави миллӣ ва марафони велосипедронӣ  доир гардид.

Дар Дави миллӣ ва марафони велосипедронӣ раиси шаҳри Гулистон Раъно Ҳошимзода, муовини якум ва муовини раиси шаҳр, роҳбари дастгоҳи раиси шаҳр, роҳбарият ва намояндагони мақомоти ҳифзи ҳуқуқ, хизматчиёни давлатӣ, намояндагон аз ҳамаи ташкилоту муассисаҳо, наврасону ҷавонон ва занону духтарони шаҳр фаъолона ширкат варзиданд.

Раиси шаҳри Гулистон Раъно Ҳошимзода кулли иштирокдоронро ба фарорасии Рӯзи ҷавонони Тоҷикистон ва баргузории чорабинии Дави миллӣ ва марафони велосипедронӣ муборакбод гуфт. Таъкид карда шуд, ки бо мақсади амалӣ намудани сиёсати варзишпарваронаи Асосгузори сулҳу ваҳдати миллӣ-Пешвои миллат, Президенти  Ҷумҳурии Тоҷикистон муҳтарам Эмомалӣ Раҳмон дар самти таҳкими тарзи ҳаёти солим, рушди оммавияти варзиш ва ҷалби ҷомеа ба таҳкими дўстӣ ва ваҳдати саросарӣ, имрўз сокинони шаҳру шаҳракҳои Гулистон низ бо рўҳбаландӣ дар ин чорабинии умумиҷумҳуриявӣ иштирок менамоянд. Ҳукумати Ҷумҳурии Тоҷикистон барои рушди соҳаи варзиш як силсила тадбирҳо андешидааст.

Даври шаҳрии озмуни ҷумҳуриявии “Фурӯғи субҳи доноӣ китоб аст” баргузор гардид

Санаи, 16.05.2024 дар толори Кохи фарҳангии "Истиқлол"-и маркази шаҳр даври шаҳрии озмуни ҷумҳуриявии «Фурӯғи субҳи доноӣ китоб аст» оғоз гардид.

Дар маросими кушодашавии озмун муовини Раиси шаҳри Гулистон Шарифҷони Саидраҳмон иштирок ва суханронӣ намуд.

Зикр карда шуд, ки бо мақсади таъмини иҷрои Амри Президенти Ҷумҳурии Тоҷикистон, қарори Раиси вилояти Суғд ва дар заминаи он қарори Раиси шаҳри Гулистон аз 19-уми феврали соли 2024, №53 ба тасвиб расидааст.

Озмуни мазкур бо мақсади баланд бардоштани завқи китобхонӣ, тақвияти неруи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, такмили захираи луғавӣ, тақвияти ҷаҳони маънавӣ миёни аҳолии кишвар, аз ҷумла хонандагони муассисаҳои таҳсилоти миёнаи умумӣ, хонандагон ва донишҷӯёни муассисаҳои таҳсилоти ибтидоӣ, миёна ва олии касбӣ, баъд аз муассисаҳои таҳсилоти касбӣ (магистрҳо, аспирантҳо, докторантҳо), омӯзгорони ҳамаи зинаҳои таҳсилот, ходимони илмию адабии муассисаҳои илмиву эҷодӣ, фарҳангу санъат, калонсолон, намояндагони касбу кори гуногун ва дигар табақаҳои аҳолии кишвар доир мегардад.