ИДОМАИ БАРГУЗОРИИ ВОХУРИҲО ДОИР БА ПЕШГИРИИ ОМИЛҲОИ НОМАТЛУБ ВА РИОЯВУ АМАЛӢ НАМУДАНИ ҚОНУНУ СТРАТЕГИЯҲОИ АМАЛКУНАНДА ДАР ҶОМЕА

Тибқи нақшаи тасдиқгардидаи Мақомоти иҷроияи ҳокимияти давлатии шаҳри Гулистон ва ФИҶТ дар шаҳри Гулистон оид ба баргузории мулоқоту суҳбатҳо дар партави эълон гардидани соли 2024 “Соли маърифати ҳуқуқӣ”, ҷиҳати баланд бардоштани маърифати ҳуқуқии шаҳрвандон, паст намудани сатҳи хурофотпарастӣ дар ҷомеа, татбиқи қонунҳои Ҷумҳурии Тоҷикистон «Дар бораи танзими  ҷашну маросим дар Ҷумҳурии Тоҷикистон», «Дар бораи масъулият дар таълиму тарбияи кӯдак», «Дар бораи тарбияи ватандӯстии шаҳрвандон» ва «Дар бораи пешгирии зӯроварӣ дар оила», «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025», «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030», риояи тартиботи ҷамъиятӣ ва тозаву озода нигоҳ доштани маҳаллаҳо санаи 31 июли соли 2024 дар маҳаллаи ҶСК "Қолинҳои Қайроққум"-и шаҳри Гулистон бо ҷалби кормандон мулоқот доир гардид.

Дар мулоқот мудири бахши кор бо ҷавонон ва варзиши шаҳри Гулистон Аҳлиддин Абдураҳмонов ва масъулӣ ҶСК "Қолинҳои Қайроққум"  иштирок ва суханронӣ намуданд.

ҒОЛИБИЯТИ БОНУВОНИ ШАҲРИ ГУЛИСТОН ДАР ДАВРИ ВИЛОЯТИИ ОЗМУНИ "ЗЕБИ ДАСТАРХОН"

Санаи 31-уми июли соли ҷорӣ дар тарабхонаи "Суғдиён"- и шаҳри Хуҷанд даври вилоятии озмуни  "Зеби дастархон" баргузор гардид.

Дар озмун бонувони коллеҷи тиббии шаҳри Гулистон бо маҳорати баланди кадбонугӣ эҳёи анъанаҳои миллӣ, оммавӣ гардонидани суннатҳои беҳтарини нонпазии ниёгон, тарзу усули пухтани навъҳои гуногуни нони минтақаҳои кишварро ба намоиш гузошта, сазовори ҷойи аввал гардиданд.

ДАВРИ ШАҲРИИ ОЗМУНИ ВИЛОЯТИИ “ЗЕБИ ДАСТАРХОН” БАРГУЗОР ГАРДИД

Санаи 29.07.2024 дар тарабхонаи “Манижа”-и шаҳр даври шаҳрии озмуни вилоятии “Зеби дастархон” баргузор карда шуд. Дар озмуни мазкур ҷамоати шаҳракҳо ва дигар муассисаҳо иштирок намуданд.

Муовини Раиси шаҳри Гулистон Ғайрат Оқилзода зимни суҳбат зикр намуд, ки бо мақсади амалисозии банди 35 Амри Президенти Ҷумҳурии Тоҷикистон аз 12 декабри соли 2023, №АП-470 Ҷадвали баргузории фестивал, намоиш, ид, озмунҳои анъана ва ҳунарҳои мардумӣ ва ҷашну солгардҳо дар Ҷумҳурии Тоҷикистон барои соли 2024 ва иҷрои қарори Раиси шаҳр даври шаҳрии озмуни вилоятии"Зеби дастархон" баргузор гардида истодааст.

Ҳадафи озмуни мазкур татбиқи муваффақонаи Қонуни Ҷумҳурии Тоҷикистон "Дар бораи танзими ҷашну маросим дар Ҷумҳурии Тоҷикистон", дар амал татбиқ намудани дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷиҳати эҳё ва рушди суннату анъана ва ҳунарҳои мардумӣ оростани дастархон буда, имконият фароҳам меорад, ки бо истифодаи сарфакории моҳирона сифати дастархонороӣ дар тӯю маъракаҳо беҳтар гардад.

НИШАСТИ МАТБУОТИИ РАИСИ ШАҲР ДАР НИМСОЛАИ СОЛИ 2024 БАРГУЗОР ГАРДИД

Имрӯз, 29.07.2024 дар толори хурди мақомоти иҷроияи ҳокимияти давлатии шаҳр баҳри иҷрои Амри Президенти Ҷумҳурии Тоҷикистон аз 15-уми сентябри соли 2011 “Дар бораи гузаронидани нишасти матбуотии раисони мақомоти маҳаллии иҷроияи ҳокимияти давлатии шаҳру ноҳияҳо” ва дар асоси ҷадвали тасдиқшудаи Мақомоти иҷроияи ҳокимияти давлатии вилояти Суғд нишасти матбуотии Раиси шаҳри Гулистон оид ба ҷамъбасти фаъолияти соҳаҳои хоҷагии халқи шаҳр дар давоми шаш моҳи соли 2024 баргузор гардид.

Ба нишасти матбуотӣ муовини якум, муовинон, мудирони шуъбаву бахшҳои мақомоти иҷроияи ҳокимияти давлатии шаҳр, раисони ҷамоати шаҳракҳо, роҳбарони корхонаҳо, роҳбарони ташкилоту муассисаҳо ва идораҳои шаҳр даъват гардида буданд.

Дар нишасти матбуотӣ намояндагони беш аз 30 воситаҳои ахбори омма аз телевизионҳо ва рӯзномаву маҷалаҳои ҷумҳуриявӣ, вилоятӣ ва шаҳрӣ ширкат доштанд.