БАРГУЗОРИИ ОЗМУНИ СТИПЕНДИЯИ ПРЕЗИДЕНТӢ ДАР ШАҲРИ ГУЛИСТОН

Санаи 06.08.2024, бо мақсади ҳавасмандгардонӣ ва дастгирии иҷтимоии наврасону ҷавонони лаёқатманд ва дарёфти беҳтарин донишандӯзон мутобиқ ба қарори Ҳукумати Ҷумҳурии Тоҷикистон аз 1-уми августи соли 2015, №508 “Дар бораи Низомномаи стипендияҳои Президенти Ҷумҳурии Тоҷикистон барои хонандагону донишҷӯёни муассисаҳои таҳсилоти умумӣ, ибтидоӣ ва миёнаи касбӣ”,  фармоиши Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз 20 июни соли 2024, №21 “Дар бораи баргузории озмуни стипендияи Президенти Ҷумҳурии Тоҷикистон барои хонандагону донишҷӯёни муассисаҳои таҳсилоти умумӣ, ибтидоӣ ва миёнаи касбӣ дар соли хониши 2024-2025” ва қарори Раиси шаҳри Гулистон аз 05.07.2024, №186 «Дар бораи таъсис додани Комиссияи озмуни стипендияи Президенти Ҷумҳурии Тоҷикистон барои хонандагони муассисаҳои таҳсилоти миёнаи умумӣ, ибтидоӣ ва миёнаи касбӣ дар соли хониши 2024-2025 дар шаҳри Гулистон” дар толори муассисаи тащсилоти миёнаи умумии №1-и маркази шаҳр баргузор карда шуд.

Дар маросими кушодашавии озмун раиси Комиссия Аҳлиддин Абдураҳмонов мудири бахши кор бо ҷавонон ва варзиши шаҳр, Боқиев Рустамҷон мудири шуъбаи рушди иҷтимоӣ ва робита бо ҷомеа, Матлуба Сатторова мудири бахши кор бо занон ва оила, мудири шуъбаи маориф Дилрабо Каримӣ, Бахтовар Ҷӯразода мудири шуъбаи Агентии меҳнат ва шуғли аҳолӣ ва намояндаи Кумитаи кор бо ҷавонон ва варзиш Давронов Ҷонибек иштирок намуданд.

ОБОДИИ РОҲ-ОБОДИИ ДИЁР! - Таъмири роҳ дар шаҳраки Навгарзан

Дар Ҷамоати шаҳраки Навгарзани шаҳр тибқи нақшаи ободгардонии роҳҳо сокинон сарҷамъона ба ҳашар баромада аз вазъи мусоиди боду ҳавои тобистон истифода карда, барои равуои бемонеа дар ҳамаи фасли сол дар мавзеъҳои тангии роҳ корҳои соҳилмустаҳкамкуниро ба роҳ монданд.

Ҳамчунин сокинон ҷойҳои харобшудаи роҳро бетон карда, бо ин шева роҳро  ба андозаи аз 4 то 6 м васеъ намуданд. Дар натиҷа беш аз 100 м роҳҳои харобшуда обод карда шуд, ки барои корҳо 10 тонна семент ва 60 мошини боркаш сангу шағал сарф карда шуд. Дар ин кори  хайр сокинон ҳама аҳлона саҳм гузоштанд.

Сокинон азм доранд, ки аз ҳавои мусоид истифода намуда, ҷойҳои таъмирталаби роҳро дар тули то 200 таъмир намоянд.

МУБОРИЗА БО КОРРУПСИЯ КОРИ ДАСТАҶАМЪИСТ!

Имрӯз, 03.08.2024 дар толори хурди Мақомоти иҷроияи ҳокимияти давлатии шаҳри Гулистон тибқи "Нақшаи чорабиниҳои оид ба ташкил ва гузаронидани қабули шахсӣ аз тарафи масъулини Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои ҷумҳурӣ дар соли 2024" қабули шаҳрвандон бо иштироки Раиси шаҳр Раъно Ҳошимзода, сардори шуъбаи ташкили кор ва назорати Агентии назорати давлатии молиявӣ ва мубориза бо коррупсияи Ҷумҳурии Тоҷикистон Неъматзода Неъматҷон Суннатулло ва намояндаи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд Олим Маҳмудзода баргузор гардид.

Раиси шаҳр Раъно Ҳошимзода баргузории қабули шаҳрвандонро аз ҷониби намояндагони Агентӣ омили муҳими мубориза бо коррупсия арзёбӣ намуд.

Ҳамчунин, сардори шуъбаи ташкили кор ва назорати Агентии назорати давлатии молиявӣ ва мубориза бо коррупсияи Ҷумҳурии Тоҷикистон Неъматзода Неъматҷон Суннатулло ҳадафу мароми баргузории қабули шаҳрвандонро аз ҷониби кормандони Агентӣ зикр намуд.

ҶАЛАСАИ ОМӮЗИШИ ПЕШАЗДАЪВАТӢ БА МАЪРАКАИ ТИРАМОҲИИ ДАЪВАТИ ҲАРБӢ

Санаи 2-юми августи соли 2024  бо иштироки Раиси шаҳр Раъно Ҳошимзода ҷаласаи корӣ доир ба гузаронидани омӯзиши пешаздаъватӣ ва омода намудани ҷавонписарон  ба сафи Қувваҳои мусаллаҳи Ҷумҳурии Тоҷикистон ҷаласаи корӣ баргузор гардид.

Дар кори машварат муовин, роҳбари дастгоҳи раиси шаҳр, мудирони шуъбаву бахшҳо, сардорони раёсатҳо, раисони ҷамоати шаҳракҳо, раисони маҳаллаҳо ва комиссари ҳарбӣ ширкат намуданд.

Машварат бо сухани ифтитоҳи Раиси шаҳр Раъно Ҳошимзода оғоз гардида, қайд карда шуд, ки Асосгузори сулҳу ваҳдати милллӣ-Пешвои миллат, Пезиденти Ҷумҳурии Тоҷикистон муҳтарам Эмомалӣ Раҳмон дар суханрониҳои худ пайваста таъкид менамоянд, ки вазъи ҷомеаи ҷаҳонӣ ҳар яки моро ҳушдор месозад, ки зиракии сиёсиро аз даст надода, омодагии доимӣ, эҳсоси баланди ватандӯстӣ,  худогоҳии миллӣ ва муқаддас доштану ҳифз намудани арзишҳои истиқлолияти давлати соҳибистиқлоламонро аз даст надиҳем. Аз ин рӯ, Пешвои муаззами миллат дар ҳалли масъалаҳои мустаҳкам намудани иқтидори мудофиавии кишвар диққати махсус зоҳир намуда, онро таҳти назорати пайвастаи худ қарор додаанд.